«أهلي صعايدة ومتربين على سينما كلها قبلات».. أبرز تصريحات إنتصار مع تامر شلتوت

أثارت الفنانة إنتصار، جدلاً كبيرًا بتصريحاتها الجريئة؛ وذلك خلال لقائها مع الإعلامي تامر شلتوت في برنامج In Deep في العمق، والذي يُذاع عبر قناته على اليوتيوب.

ونرصد فى التقرير التالى أبرز تصريحات إنتصار:

• "أنا بحب أكيد المذيعين والمعدين المتطفلين لما بيسألوني عن القبلات، مالها القبلة يعني؟، أم كلثوم غنت للقبلة كارهين القبلة ليه؟، إحنا متربين على سينما كلها قبلات".

• " ليه عايزين تاخدوا تصريح على لساني تدينوا بي المايوه؟، ما أنا بلبس المايوه أنزل بيه البحر مش مقاطعاه، حرام عليكم بقيتوا تافهين".

• "يعني إيه سينما نظيفة.. مغسولة يعني؟!". 

• " أنا لا أشجع ولا أدعم مشاهدة الأفلام الإباحيـ ـة، كنت بسأل الناس إيه الاسباب اللي بتدفعها أنها تتفرج على الأفلام دي". 

• "أنتوا بتتقاضوا أجر علشان تهاجموني". 

• " مكنتش عارفة إني رايحة لرامز، ونزل عليا كريزة ضحك في الحلقة لما عرفت المقلب". 

• "تشبثت بـ هشتاج فاتنة الشرق كمل معايا، هتشبث بيه وهبقا انتصار فاتنة الشرق، كمان في واحد قاللي انتي هيلكوبتر مصر، دي زي باشا مصر كدة، بس فاتنة الشرق أحلى".

• " فيه واحد شتمنى وقالي  «يا سـ ـافلة يا مستبدة» عشان موقفتش اتصور معاه على كوبري أكتوبر".

• "ورفعت على معجب قضية على الواتساب علشان بعت لي شتيمة وصور، فقدمت شكوى بمباحث الانترنت وسجنته، لإن مش هنعيش العمر كله نعمل بلوك".

• " أهلي صعايدة من الأقصر لكني اتولدت في الإسكندرية". 

• "أهلي رفضوا دخولي مجال التمثيل في البداية لكن بعد كدة وافقوا". 

• " أنا بحب الراجل اللي يغير عليّ، لأن الممثلة الكوميدية بتكون جريئة شوية لكن جوزي كان بيعلق على لبسي". 

• "بنتي امتداد ليا لأنها نسخة مني، ولو في راجل أكبر منها بكتير تقدم لها هرفضه". 

• " أنا محتاجة لراجل في حياتي ومينفعش نقول كل الرجالة خاينة فيه منهم محترمين ومتربيين".