بهاء الدين محمد: زمايلي الفنانين رفضوا قرار اعتزالي

كشف الشاعر الغنائي بهاء الدين محمد استيائه مما تعرض له من انتقاد وهجوم عقب إعلانه، اعتزاله الوسط الفني.

ونشر بهاء الدين محمد، عبر حسابه بموقع التواصل الاجتماعي فيسبوك، منشور قال به: "مهما توقعت أو حسيت أو تخيلت مش هعرف أوصف إحساسى بكلام يرد بكل احترام على رد فعلكم وفعل زمايلى الفنانين اللى رافضين قرار إعتزالى والتركيز فقط على تأملات فى نِعم الله، ورد الفعل اللى رافض القرار خلانى أسكت وأفهم وأعرف وأشوف بصورة واضحة مدى الحب والتقدير اللى وصلنى من كل مكان وعرفت من خلاله أن ليا مكان في قلوب من حقهم الرفض".

وأضاف: "مهما توقعت أو حسيت أو تخيلت مش هعرف أوصف إحساسى بكلام يرد بكل احترام على رد فعلكم وفعل زمايلى الفنانين اللى رافضين قرار إعتزالى والتركيز فقط على تأملات فى نِعم الله، ورد الفعل اللى رافض القرار خلانى أسكت وأفهم وأعرف وأشوف بصورة واضحة مدى الحب والتقدير اللى وصلنى من كل مكان وعرفت من خلاله أن ليا مكان في قلوب من حقهم الرفض".

واستكمل: "أنا مش سهل أوصف ناس بالشكل ده، كانت لحظة تقيلة على القلب ولكن اكتفيت بالتخلص نهائى من الأصناف دى اللى بتقصد تتسبب ف أى ضرر وابتزاز بكل شر وطمع واستنزاف للإنسانيه اللى ربنا خلقنى بيها حتى لو كنت بأعاملهم بكل خير وماخدوش بالهم إن الطيبة اللى جوايا طيبة من قوتى ورحمتى، وخاصة لما ألاقى اللى بيتعامل معايه ضعيف وناقص ولكن لابد من مواجهتهم بكل ردع ولازم يتحطلهم حدود".

وأنهى حديثه: "قررت شطب وإستئصال كل حد لا يليق ومرفوض، واحتفظت فقط بالناس اللى قلوبهم ونيتهم سليمه في الفن والحياه وشكرا على هذا الحب والإحترام اللى  هأفضل قده وأرد عليه بكل فن، وبأشكر كل قلب كتبلى أو بعتلى أو كلمنى يطمن عليا وإعتبرته شاركنى ووقف معايه بكل حب في التجربة دي".