سميرة أحمد: أنور وجدى رفض يدينى «جنيه ونص» أجرى عن فيلم «حبيب الروح»

كشفت الفنانة الكبيرة سميرة أحمد عن كواليس مشاركتها في فيلم "حبيب الروح" عام 1951، من إنتاج وبطولة أنور وجدي.

وأوضحت "أحمد" قائلة: "الفنان أنور وجدي طلب فتاة صغيرة لتقول كلمة في الفيلم، متابعة: "أنا قولت هيروحني وخفت، استخبيت ورا بنات، دخلت جوا الصف، جه بص وقالتي تعالي أنتي، نده عليا، قولت هيمشيني وهيروح عليا اليوم".

وتابعت: "سألني هل يمكن أن تقول جملة "تشربي شامبانيا يا ليلى هانم"، قولتله اه بس أنا مكنتش أعرف هعرف أقول ولا، ورحت على البار، وقولت الجملة، حطولي كرسي وطلعت عليه عشان أطول، بس ورحت نازلة، قالوا خلاص كدة".

واستطردت: "روحت عمارة الإيموبيليا عشان أخد أجري، قالولي أنت قلتي كلمة، اطلبي جنيه ونص، رحت دخلت لأنور وجدي، قالي فيه إيه؟، قولتله أصلا أنا اتكلمت، قالي أنا عارف، عايزة إيه؟ قولتله أنا بيدوني جنيه، لكن أنا اتكلمت وعايزة جنيه ونصف، قالي لأ يلا روحي اقبضي جنيه".

واختتمت "سميرة" حديثها قائلة: "بس أنور وجدي قالي أنتي هتبقى بطلة على فكرة".

وبعدها شاركت الفنانة سميرة أحمد مع الفنان أنور وجدي في فيلم "ريا وسكنية" إخراج صلاح أبو سيف.