بطلة عالم مصرية محاصرة في غزة تروي عن المعاناة

قالت إيمان البيك، بطلة العالم المصرية والحاصلة على ذهبية رمي الرمح، إن الوضع بفلسطين يزداد سوءًا يوما بعد آخر، موضحة: "احنا بنموت كل يوم، كل حاجة حوالينا بتتهد والقصف في تزايد".

وأضافت البيك، قائلة: "هذه ليس حربا ولكنها إبادة جماعية، جميع الناس يجبرون على تهجير بيوتهم، حتى إنذارات الضرب لم تعد مثل السابق، والقصف يتم مباشرة دون سابق إنذار على الأغلب .. مع كل ضربة البيت بيترج علينا حاسة البيت هيتهد".

وتابعت قائلة: "مافيش نوم، مافيش مياه، وبالعافية أما بنلاقي كهرباء بالطاقة الشمسية، حتى الأكل يادوب بنلاقيه، موضحة: الموت في كل لحظة، بالنهار مبقوش يضربوا كتير عشان التصوير، بيضربوا طول الليل، كله بيبقى مرعوب واما بتيجي عربيات إسعاف بيضربوها، احنا بين ايدين ربنا والموت قدام عنينا الصواريخ بتنزل تهد البيوت.

واختتمت إيمان البيك، المصرية المتواجدة بفلسطين نتيجة رغبتها في إنهاء بعض الأوراق ولكن صادفتها بداية طوفان الأقصى ولم تتمكن من العودة لمصر، قائلة: "لابسة هدومي الـ 24 ساعة عشان لو موت ومعايا باسبوري عشان الناس تتعرف عليا".

اقرأ أيضا:المركزي الأوروبي: نراقب أزمة الشرق الأوسط لتقييم آثارها