أمير طعيمة ردًا على اتهام زوجته له بالخيانة: «أنا منفصل من شهرين»
كتب: شاهيناز خليفة
رد الشاعر والمنتج أمير طعيمة، على منشور زوجته السابقة الفنانة المعتزلة جيني والتي اتهمته فيه بالخيانة ومساعدة أكرم حسني في «خراب بيتهما»، خلال منشور نشرته عبر صفحتها الرسمية على «الفيس بوك».
وقال أمير طعيمة في منشوره على «فيس بوك»: «أنا منفصل رسميًا من شهرين وكنت منتظر الإعلان الرسمي لحين الانتهاء من بعض الإجراءات القانونية اللي كنت اتمنى انها تتم بشكل ودي حفاظا على مصلحة أولادي و رغبة مني أن الأمور تتم بشكل يليق بعشرة سنين طويلة و للأسف لمًا ده ما حصلش الطلاق وقع».
وأضاف: «فيما يخص اقحام اسم أخويا وصديقي الفنان أكرم حسني، أولا مش أكرم أول ولا آخر حد هييجي اسمه بالباطل وده للاسف كان متوقع».
وتابع: «بس بما ان الهجوم منها دلوقتي على أكرم فعايز اقول التالي، أكرم ملوش أي صلة بالطلاق وبالعكس لما عرف من مدة إني هاخد الخطوة دي نصحني ما اعملش كده لمصلحة أولادي، كصديق وكفنان هو من انضف الناس اللي اتعاملت معاهم وأشهد ربنا أني عمري ما شفت منه غير كل خير وإحترام».
واستكمل حديثه: «أكرم مش طرف مباشر أو غير مباشر في الطلاق، طلاقي لاسباب اكيد مش مكانها الفيس بوك و لا تخص أحد غير الطرفين، مفيش حد في الدينا بيطلق الا لاسباب تخصه، أكرم ما عملش هاك لحسابها و الكلام ده ربنا عالم انه غير صحيح».
أما عن خيانته لزوجته والشائعات المرتبطة باسمه، قال أمير: «أنا راجل موجود في الوسط الفني بقالي 26 سنة واعتقد أن عمر ما حد سمع ليا حس ولا دخلت في مشاكل مع قريب او غريب و مكنتش اتمنى اكتب البوست ده بس بما إن الكلام طال ناس ملهمش ذنب وجب عليا تحمل المسئولية و الرد».
واختتم حديثه: «وما زلت بتمنى ما اضطرش ارد في يوم اخر على هجوم اخر على اي شخص لمجرد انه صديق و بيتعامل معي فنيا، وما زلت بتمنى من زوجتي السابقة ترك مساحة من الود عشان بنا أولاد و ربنا بيقول (وإذا طلقتم النساء فبلغن أجلهن فأمسكوهن بمعروف أو سرحوهن بمعروف) و ده اللي بحاول فيه من البداية و هحاول فيه للنهاية».
