بيومي فؤاد ينهار من البكاء على المسرح: «إحنا ما بنجيش عشان نضحك حضراتكم.. إحنا بنقدم فننا المصري»
كتب: شاهيناز خليفة
انهار الفنان بيومي فؤاد باكيًا على مسرح السعودية وذلك أثناء حديثه عن اعتذار الفنان محمد سلام عن مشاركته في مسرحية «جوازة اصطناعي»، مشيرًا إلى أنه تعرض لإهانة كبيرة وبالغة بسبب تصرفه.
وتداول رواد مواقع التواصل الاجتماعي مقطع فيديو، ظهر فيه بيومي فؤاد برفقة أبطال مسرحية «جوازة اصطناعي»، قال خلاله: «من حقك تعتذر عن المسرحية، بس مش من حقك إنك تغلط في فنك، إحنا ما بنجيش علشان نضحك حضراتكم، إحنا بنقدم فن، فن مصري، وأنتم بتحترمونا وإحنا بنحترمكم جدًا».
وتابع: «شيء عظيم إن الفنان يكون له جمهورفي كل الدول، شيء عظيم إني أتصور مع شاب سعودي، وأتصور مع سيدة سعودية وهي تعلم إني مصري، أنا بشرف بلدي، وهنا هحاول أخفف على رجل أنقذ موقف وكان رجل قدها اسمه محمد أنور (الذي حل بديلا لمحمد سلام وتعرض لانتقادات لاذعة)».
وختم حديثه، قائلا: «أنا فنان مصري ولي الشرف، جيت المملكة العربية السعودية ولي الشرف، كتر خيركم، إحنا بنتعب ونشقى علشان نقدم فن، ولو الموضوع كده، يبقي فيه فنانين من أيام نجيب الريحاني لحد محمد أنور المفروض ينتحروا، إحنا بنقدم فن».
View this post on Instagram
اعتذار محمد سلام
وكان الفنان محمد سلام اعتذر عن مشاركته في مسرحية «جوازة اصطناعي» وذلك قبل أيام من عرض مومس الرياض بالسعودية، قائلا: «أنا إزاي أروح أعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص».
وأضاف: «فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده».
واختتم الفنان محمد سلام حديثه قائلا:ً «كان عندي الموسم يتأجل أو يتلغى، فأنا مش هقدر أشارك في المهرجان ده وحابب أقول إني كنت في مشكلة مش عارف أسافر ولا أعمل إيه؟ والتمثيل هو أكل عيشي، لكن لو مسافرتش هل هموت من الجوع؟ بالتأكيد لا».
إقرأ أيضًا: أول تعليق من أمير كرارة على استبعاد محمد سلام من مسلسل «بيت الرفاعي»
