عمرو أديب عن بيومي فؤاد: «دا لو كان عرض في إسرائيل مكنتوش عملتوا كده»

دافع الإعلامي عمرو أديب، عن الفنان بيومي فؤاد، بعد ما تعرض له من هجوم خلال الساعات الماضية، بسبب الفيديو الذي سرب له أمس من موسم الرياض.

وقال عمرو أديب، خلال  برنامجه الحكاية المذاع عبر قناة Mbc مصر،" ايه اللي أنتوا بتعملوه فيه دا هو عمل ايه هو بيشتعل شغلته.. دا لو كان عرض في إسرائيل مكنتوش عملتوا كده".

وأضاف،" طيب ما في 5 مصريين كانوا بيغنوا في أبو ظبي امبارح محدش كلهم.. ولا هو عشان بيعرض في الرياض.. موسم الرياض مش هيوقف.. دا أكل عيش الناس، : أنا بدافع عن كل فنان بيسافر وبيشتغل و احنا عندنا مزاج نشتم بتوع الرياض بس، أيوة أنا بدافع عن موسم الرياض وكل فنان بيشتغل هناك هو حد هينفعهم! بيشتغلوا عشان الأقساط وهم على رأسي".

واستكمل:" الموضوع اتحول فجأة من بيومي فؤاد وموسم الرياض لخناقة مصرية سعودية.. هو الراجل دا لو مراحش الرياض هينقذ غزة وهيقلل موت الأطفال؟،  أي حد هياجم فنان أنا هدافع عنهم.. أنا المحامي بتاعهم، سيبوا الناس تعمل اللي هي عايزاه.. لكن متعملوش في الفنانين المصريين كده عيب.. بنمشي في السعودية الناس بتشيلنا من على الأرض شيل لكن أنتوا وصلتوها لحرب".