حمادة إسماعيل عن بيومي فؤاد: بتخوفوه ليه هي السعودية بقت إسرائيل
كتب: عزة عبد الحميد
علق حماده إسماعيل، أحد كبار العاملين بموسم الرياض، ومدير أعمال لكبار المطربين في مصر، على الهجوم الذي اشتعل أمس الأحد، تجاه الفنان بيومي فؤاد، وخاصًة بعد تعليق المخرجة كاملة أبو ذكري.
وقال حماده إسماعيل من خلال مداخلة هاتفية في برنامج الحكاية: "الموضوع أصبح ماسخ الفنان بيتقدم له الدعوة من أول ما بيطلع من بيته لحد ما بيوصل المملكة هنا وبيعمل الحفلة بيطلع على أحسن مسرح مع أحسن ديكور وأحسن جمهور والناس بتحترمنا جدًا بمعاملة يستحقها الفنان المصري، وبعد ما بيخلص شغله بيتكرم في أي جهة في أي مكان بيتوجه له الدعوة أول واحد، أي حاجة بتحصل في المملكة بتتفاجئ أن كل المصريين هنا باستقبال غير طبيعي ودي شهادة كل الفنانين".
وأضاف حماده إسماعيل، قائلاً: "ما يحدث بجد ده إرهاب وتخويف للفنان، بتخوفوه ليه إيه الغلط اللي بيعمله الفنان بيقدم شغله بيجي المملكة هنا الناس بيكرمونا وبيدونا فرصة شغل، لكن نتفاجئ النهاردة أن الناس بيهينوا الفنان طيب ليه؟ قال إيه غلط، يعني النهاردة لو في فنان مش عايز يطلع ويقدم شغله في أي فترة هو حر مفيش أي مشكلة، مفيش حد النهاردة يقدر يقعد في البيت بسبب الحالة الإقتصادية لكل العالم، والفنانين واخدين قرار يكملوا شغلهم وعلى أعلى مستوى لأن إحنا بنقدم فن، لما الفنان بيطلع يتكرم برا هو بيمثل بلده، أنتوا هتخوفونا من إيه الناس هنا قدمت لنا كل ما هو متاح عشان تطلع الفنان على أعلى مستوى".
كما تطرق الحديث أيضً حول تصريحات المخرجة كاملة أبو ذكري بشأن الفنان بيومي فؤاد، قائلاً: "في أخت مخرجة طلعت بتقول كلام مهين لبيومي، إيه الفكرة بتولعوا الدنيا ليه إيه الغلط، مش هنخاف اللي بيقدمنا هنا في السعودية فن، يا جماعة في إيه غلط هي السعودية أصبحت النهاردة إسرائيل؟ السعودية طول عمرها داعمة لمصر، ومصر طول عمرها بتقدم فنها في كل الدول العربية".
