محمد فهيم عن أزمة بيومي فؤاد ومحمد سلام: «فيه ناس بتستغل اختلاف وجهات النظر وتحوله لفتنة»
كتب: نسرين إبراهيم
علق الفنان محمد فهيم، على أزمة الفنان بيومي فؤاد، والفنان محمد سلام، بعد اعتذار الأخير عن عروض مسرحية «زواج اصطناعي» بطولة الأول في السعودية، وهجوم بيومي عليه الذي أثار جدلًا واسعاً.
وقال فهيم خلال لقائه ببرنامج «رؤيا مصر»: «والله الاتنين إخواتي وحبايبي، وبيومي أخونا الكبير، أنا شايف إن همّ (لم يحدد) لهونا في العالم الافتراضي، وسابوا لنفسهم أن هما يحققو نجاحات على أرض الواقع».
وتابع: «فيه ناس بتستغل اختلاف وجهات النظر، وتحوله لخلاف كبير وتدعم وتدينا حقن يبقى بينا خلاف، ويبقى بينا فتنة ونتفرق».
واستكمل: «مفيش حاجة اسمها تقول إن القضية الفلسطينية في حد مع أو ضد لأنها محسومة، كل المصريين والعالم العربي مع القضية مفيش خلاف، لذلك قولت ميلهوناش ويودونا للمنطقة دي، لأن في حقن بتدخل إنها تقول إحنا مع أو ضد القضية، مفيش حاجة اسمها كده لأنها محسومة».
هجوم بيومي فؤاد على محمد سلام
وتعرض بيومي فؤاد، لهجوم عنيف من رواد السوشيال ميديا، بعدما ظهر في مقطع فيديو تحدث فيه بنهاية عرض المسرحية التي يشارك فيها أيضا مهاجما محمد سلام، قائلا: "من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا".
وأضاف: "شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي.. محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا".
اقرأ أيضا: زينة تستعيد ذكرياتها قبل حرب غزة: «وحشتني حياتي الطبيعية»
View this post on Instagram
