محمد رمضان عن أزمة بيومي فؤاد وسلام: «الاتنين مش غلط وياريت نكون أحن من كده على بعض»
كتب: نسرين إبراهيم
علق الفنان محمد رمضان على الجدل الذي أثير خلال الأيام الماضية بعد الهجوم الذي شنه الفنان بيومي فؤاد على الفنان محمد سلام بعد انسحابه من مسرحية "زواج اصطناعي" ضمن موسم الرياض.
وقال محمد رمضان في مقطع فيديو نشره عبر حسابه على إنستجرام: "مساء الخير عليكم، مساء الخير لكل جمهور عربي ... راس مال أي فنان هما الناس اللي هما حضراتكم، بنطلب من كل حبايبنا ومن كل اللي حوالينا ومن أبويا وامي يدعوا ان ربنا يحبب فيا الناس ويحبب فيا الجمهور اللي هو حضراتكم".
وأضاف محمد رمضان: "شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام هو اللي يكون قاسي عليك بالكلام.. كلامي عن اخواتي وحبايبي بيومي فؤاد ومحمد سلام وأنا بتشرف بزمالتهم الاتنين".
وتابع محمد رمضان: "لا محمد سلام غلط ولا بيومي فؤاد غلط ده احنا لو غلطنا واحنا بنصلي ربنا بيسامحنا ايه اللي هما عملوه عشان كل ده؟ وكل اللي بسمعه خلال الأيام اللي فاتت عن سلام انه مش هيشتغل تاني دا مش هيحصل لا احنا كفنانين هنسمح بدا ولا الجمهور هيسمح بدا ولا احنا مع اللي بيحصل في بيومي بعد ما قفل التعليقات بسبب الانتقادات اللي بتجيله... ياريت نكون أحن من كدة على بعض".
هجوم بيومي فؤاد على محمد سلام
وتعرض بيومي فؤاد، لهجوم عنيف من رواد السوشيال ميديا، بعدما ظهر في مقطع فيديو تحدث فيه بنهاية عرض المسرحية التي يشارك فيها أيضا مهاجما محمد سلام، قائلا: "من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا".
وأضاف: "شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي.. محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا".
اقرأ أيضا: محمد فهيم عن أزمة بيومي فؤاد ومحمد سلام: «فيه ناس بتستغل اختلاف وجهات النظر وتحوله لفتنة»
View this post on Instagram
