وائل غنيم مهاجمًا قادة حماس: «قاعدين في قطر وتركيا وسايبين الشعب.. لو انتوا رجاله روحوا غزة»

هاجم الناشط السياسي وائل غنيم، قادة حركة المقاومة الإسلامية حماس خالد مشعل، وإسماعيل هنية، و خليل الحية.

وقال وائل غنيم، خلال مقطع فيديو نشره عبر صفحته على موقع التواصل الاجتماعي "فيسبوك": «بوجه ندائي للثلاثي الموجود في مصر، للي بيدافعو عن القضية ومكتسباتها، إنتوا موجودين في القاهرة.. والقاهرة جنب غزة أوي والإسرائيليين معندهمش مشكلة خالص أنك تحيي صمود الشعب الفلسطيني من داخل غزة.

وأضاف "غنيم": "أنتوا قادة المقاومة الجامدين، المفروض تبقوا في غزة، مش قاعدين تأكلوا الهمبورجر في تركيا وقطر"، وتابع "أنا ممكن أأمنلكوا الطريق إلى غزة علشان تنزلوا مع الشعب الفلسطيني".

وأكمل الناشط السياسي: "مفيش أسهل من الكلام والتجارة بمشاعر البني أدمين، ووضع الناس في التهلكة، لو سمحتوا أدخلوا غزة، ده لو أنتوا رجالة.

وأردف: "إيه يا عم إسماعيل هنية، فين الرجولة فين النخوة والشهامة والدين، هل من الرجولة أنك تبقي قاعد في قطر، وأهلك بيضربوا الصواريخ، اللي بتموت منهم الآلاف، وطالع تقول أنك تحيي صمود الشعب الفلسطيني، الشعب الفلسطيني مش محتاج منك صمود يا أخويا أنت وهو".

واستطرد "غنيم": "أنزل روح معاهم، الملايين دلوقتي بيدفعوا ثمن حاجات أنتوا مش قدها، أصلها مش شطارة تروح تضرب حد قدامك، وهو يجي يستخدم قوة غاشمة، وتقعدوا تقولوا الحقونا، هو عدوك منهجه كده وبقالوا 75 سنة بيعمل كده".

واستكمل: "فين 136 دبابة اللي أتدمروا، مش قادر أفهم البني أدم اللي بيضل الضلال ده، أنتوا هتتسألوا على الناس اللي بتموت، ماشيين وراء إيران وحزب الله، اللي مسكوا أهل السنة يقتلوهم، أهم خانوا بيكوا، وذلك في فيديو له ، على موقع التواصل الاجتماعي فيس بوك".