«قطعوا رقبته وسط الشارع».. أم تروي حكاية ابنها السائق و3 ذئاب بالدقي
كتب: عبد الله محمود
شهدت منطقة الدقي التابعة لمحافظة الجيزة، واقعة مأساوية كاد أن يفقد فيها شاب عشريني حياته، وذلك عندما أقدم 3 أشخاص من منطقة إمبابة الإعتداء على سائق ميكروباص مستخدمين أسلحة بيضاء في وسط شارع التحرير.
تتذكر والدة «يوسف» المجني عليه، يوم الحادثة الذي سرعان ما تبدل حالهم عقب هذه اليوم الأليم.
كان نجلها سائق على ميكروباص بخط «العشرين- الدقي»، ولكن أثناء وقوفه أمام باب جامعة القاهرة من أجل انزال راكبة من الميكروباص تفاجئ بـ أحد الأشخاص يقود دراجة نارية يسبه من الخلف ويقول له: «حبكت تنزلها».
تتابع أم يوسف، «لما شتمة ابني رد عليه راح قال لبني أنا هرجعلك وابني قال له انا من الدقي لو عايزني ابقى تعال.. ويوسف فضل شغال على الخط عمل دور واتنين لحد الساعة تلاتة العصر.. لكن فاجأة سواق الموتسيكل جاب تلاتة وراحوا له موقف الدقي ما لقهوش. راحو واقفوا له في شارع الدقي. استنوه وعرفوا شكله وشكل العربية».
تقول والدة المجني عليه والذي يبلغ عشرين عامًا، «راحوا لما شافوا العربية نزلوه من باب العربية وضربوه في رقبته.. اتخيطت عشرين غرزة جوة وبرة.. وادوا له ضربة كمان في صدره.. ابني قاوح معهم لكن بعد كده وقع على الأرض.. والإسعاف جت شالوه ودوه على المستشفى».
اقرأ أيضًا: 100 ألف جنيه مقابل الإفراج عن سلمي الشيمي
بنبرة صوت حزينة تقول الأم، «لما ودوه على المستشفى وخيطوه.. بعد كده لقيناهم هناك وعملين محضر قبلنا.. وجابوا شهود عيان كدبين وقفوا جنبهم.. وانا اللي وقف جنب ربنا.. راح ده بعد ما ابني خف شوية.. وعملوا معه اللازم.. على القسم وراح النيابة خد 4 في 15 يوم حبس احتياطي وهو حالته صعبة وأنا مش معايا محامي».
وتكمل والدة المجني عليه: «أنا نفسي حد يجبلنا محامي.. لان ظروفنا على الله وابني ده اللي كان بيجري عليا.. انا باطالب بان بمحامي يجيب حق ابني يخلوا سبيله لان ابني تعبان.. ارجوكم ارجوكم».
