ميسرة لـ«العاصمة»: مشهد ده صاروخ مع عادل إمام نجح علشان الناس كارهة إسرائيل

أعربت الفنانة ميسرة عن حزنها واستيائها الشديد بسبب الأحداث في فلسطين ومواصلة الإحتلال الإعتدائات على أهل غزة، كما تحدثت عن مشهدها الشهير في فيلم السفارة في العمارة بطولة الزعيم عادل إمام.

وقالت ميسرة في تصريحات خاصة لـ العاصمة: كان نفسي الدور أكبر يبقى مع الزعيم عادل إمام في فيلم السفارة في العمارة، وهو قالي كلمة إن المشهد ده هيبقى تريند وهيكسر الدنيا وهيعود في تاريخ السينما، وهو عمل وطني، ودلوقتي إحنا بنصور والأحداث لسه قائمة في غزة، وربنا يفرج عنهم ويستردوا أرضهم، والكيان ده الناس كلها كرهاه، وده متجذر فينا.

وتابعت ميسرة: والإفية في الفيلم لقى صدى مع الناس علشان الناس كارها الكيان الصهيوني، وقالوا بصوا هي بتشتغل إيه ورفضت تروح جنب السفارة، فالمشهد ده له عوامل كتيرة.

أحداث فيلم السفارة في العمارة

تدور أحداث الفيلم حول مواقف صعبة وتحديات تواجهها سفارة بلد صغير في إحدى الدول، والتي تتصاعد التوترات مع مجموعة من المتشددين. وفي وقت لاحق، يتم توريط عمارة قريبة من السفارة في الأحداث، مما يزيد من التشويق والحماس في القصة.