أحمد حلمي يحكي عن تعرضه للتنمر في طفولته

تحدث النجم الكوميدي أحمد حلمي عن طفولته وكشف العديد من الأسرار حول حياته الشخصية، خلال لقاءه بأحدى حلقات الموسم الثاني من برنامج Sold Out، الذي يقدمه الإعلامي محمود سعد، والذي أذيعت منذ قليل، كما أكد أنه تعرض للتنمر في طفولته من قِبل فنان حيث شبهه بميكي ماوس، على حسب قوله.

وقال أحمد حلمي: كنت شقي جدًا في طفولتي وكان عندنا حمار بعربة كارو دايمًا تحت البيت وفى مرة عضنى، وأعتقد إن ده الحمار الوحيد اللى في العالم بيعض، وروحت للدكتور وقالي أنا محدش قالي قبل كده إن عضه حمار، وكنت وأنا صغير  بتنى ودني وأنام عليها فبقى عندي ودن أكبر من ودن.

وعن تعرضه للتنمر قال أحمد حلمي:  وفى مرة كنت في فرح بنت خالتى على مركب راسية، وكان في فنان كلنا بنحبه فى الفرح، وأنا كنت في فترة إعدادى تقريبا، وروحنا عشان نشوفه وواقفين قدامه وبنضحك ببراءة كدة، وراح قال لصاحبة الحق ميكي ماوس، طبعا اضايقت جدًا وعمري ما نسيت الحكاية دي خالص، واتعلمت منها إن أي حد جاى يتكلم معاك بدافع الحب مش بدافع شيء تانى أوعى تجرحه بأى كلمة.

وأضاف: أنا مشواري عامل زي السلم والتعبان سلم يطلعك وسلم ينزلك، وطول عمري بكون عاوز أروح يمين أدخل شمال مش بمزاجي.

وعن لحظة شعر فيها بالحزن قال أحمد حلمي: للأسف اللحظات الحزينة بقت تتكرر كتير يدأت من يوم 7 أكتوبر لأهلنا في فلسطين، لظات محزنة وعمر ما عيشتها في حياتي، لأنك عاجز مش قادر تعمل حاجة لحظة مميتة وأتمنى صمود الشعب الفلسطيني وينتهي بالنصر.

اقرأ أيضاً: نفاد تذاكر حلقة أحمد حلمي في «SOLD OUT»