جلال غالي يطرح «إحنا أصحاب القضية» لكشف معاناة أهل غزة
كتب: مؤمن نصر
طرح المطرب جلال غالى، على اليوتيوب، والمنصات الرقمية، وجميع المواقع الاجتماعية، أحدث أعماله الغنائية، فيديو كليب أغنيته الجديدة، بعنوان " إحنا أصحاب القضية "، والتي تهدف لتسليط الضوء على الكوارث الإنسانية التي تحدث على الأراضي الفلسطينية، وما يتعرض له أهالي قطاع غزة على يد جيش الاحتلال.
تفاعل جلال مع الأحداث، وشعر بحزن شديد، وناقش الأمر مع مديرة أعماله سارة أبو خجيل، فقرر تقديم أغنية "إحنا أصحاب القضية" لكى يمنح الموسيقى والغناء بعدا إنسانيا عمليا، متضامنا مع أهل غزة، رافضا لهمجية الاحتلال، وداعما للقضية الفلسطينية.
"إحنا أصحاب القضية" كلمات عمرو هشام، والحان محمود غرابلي، وتوزيع موسيقى عمرو العزبي، وتصوير وإخراج محمد العطار، وإنتاج مدحت سعد شركة "ارت ميوزيك" للإنتاج الفني.. وتقول كلماتها:
فوقوا لأجل الإنسانية .. دي إباده جامعيه
ذنبه اي الطفل البريء .. يتقتل و يكون ضحيه
الحياد اكبر خيانه .. محتاجين صوتك معانا
هو دا الحق اللي ليهم .. التعاطف مش كفايه
احنا أصحاب القضية .. مش هنبقي في يوم ضحيه
في المحن بنزيد صلابه .. أحنا عزيمتنا قويه
كلنا في الشده واحد .. قصاد عدو قلبه جاحد
مستعد بروحي اضحي .. و في سبيل القدس اجاهد
علي قلب واحد كلنا .. حالفين نرجع حقنا
لو كل يوم فيه 100 شهيد .. مفيش بديل عن ارضنا
هنجيب حقوق الأبرياء .. بكل عزه و كبرياء
هنجيب حقوقهم أولآ .. و بعده نقبل العزاء
يا غزه ميت مليون سلام .. و للصمود نقف احترام
للأبرياء المخلصين .. دول صعب يوصفهم كلام
الحق لا يمكن يموت .. مهما السنين عليه تفوت
القدس ارضنا كلنا .. ومن النهارده مفيش سكوت
هنجيب حقوق الأبرياء .. بكل عزه و كبرياء
هنجيب حقوقهم أولآ .. و بعده نقبل العزاء.
