نجل محمد ثروت عن والده: «أب عظيم شال عيلة كاملة فوق كتافه سنين»

شارك المخرج أحمد ثروت نجل المطرب الكبير محمد ثروت، صورة من حفل زفافه، والتي وثقت بكاء والده بسبب فرحته به.

وعلق مجل محمد ثروت على الصورة، قائلا: «أبويا العظيم علمنا درس ف يوم كتب كتابي إن الحنين ربنا بيحن عليه، والحمد لله ربنا خلاني أشوف دموع الفرح بدل دموع الحزن اللي كانت بسبب ظروف مرضي السنة اللي فاتت دي كلها ف عين أبويا وأسرتي بعد سنة من أصعب سنين حياتنا ربنا كرمني إني أقدر أفرح أهلي وأهل لمي».

وأضاف: «بس أول ما شوفت الصورة دي لاقيتها بتلخص وبتحكي حاجات كتير أوي، بتحكي عن أب عظيم شال عيلة كاملة فوق كتافه سنين وضحي بكل ما يمكن عشان أسرته تكون مبسوطه ومطمنه، وفي أحسن حال وكان ومازال أحن أب وعن أم كان كل شغلها الشاغل ولادها وجوزها واستحملت كتير وكانت عمود للبيت كله وعن أخت كانت ومازالت السند والصديق في الفرح والكرب وعن زوجة ربنا رزقني بيها فعلاً يارب اكون استحقها».

وتابع: «كل الي حابب اقوله، ان لو ربنا كرمني بشيء حلو او بعتلي رزق او شفاني من مرضي ف دة بسبب الخير الي عمله وبيعمله دايماً الراجل العظيم دة ابويا محمد ثروت، ربنا يديك الصحة ويقدرني اني اعوضك وابدلك اي ذكري حزينة او صعبة بفرح وسعادة».

اقرأ أيضا: من بينهم أمينة خليل.. قائمة أعضاء لجنة تحكيم الدورة الثالثة من مهرجان البحر الأحمر السينمائي 2023