أميرة أديب: كان نفسي أكون لعيبة كورة
كتب: نسرين إبراهيم
كشفت الفنانة الشابة أميرة أديب، عن حلم احترافها لعبة كرة القدم منذ صغرها، وعن تفاصيل مشاركتها في فيلم أمريكي جديد.
ونشرت أميرة، فيديو لها وهي تلعب كرة القدم، عبر حسابها على إنستجرام، وعلقت: "بقالي ٤ شهور بتمرن ٣ مرات في الأسبوع عشان الفيلم اللي هصوره بتاع أمريكا والفيديوهات دي كانت من أول شهرين، أحب أطمنكم إن الكاركتر اللي بلعبوا في الفيلم مش هبلة كده.. هي جد أكتر من كده بكتير بس قد إيه انبسطت وأنا بتعلم حاجة جديدة من الأول".
وأضافت: "عارفة إني كان بقالي فترة بنزل فيديوهات وأنا بلعب كورة وأقول لكم عندي مفاجأة وأخيرا عشان انتوا عارفين دلوقتي أنا عملت الفيديو ده مخصوص عشان كوتش علي وفريدة ! أول حاجة كوتش علي والله ما واخد مليم عشان يقولي الكلام الحلو ده".
وتابعت: "النهارده عيد ميلاده وأحب أقول له كل سنة وهو طيب وأشكره على التعب و المجهود اللي عمله معايا الشهور اللي فاتت دي استحملني ثلاث مرات في الأسبوع".
واستكملت: "وأحب أشكر فريدة عشان أسست مكان محترم للبنات عشان يتعلموا فيه كورة.. حاجة عمري ما قلتها لحد هي اننا من وأنا صغيرة كان نفسي لما أكبر أكون لعيبة كورة بجد ومامتي مكنتش موافقة فشكرا يا فريدة إنك حققت لي حلم صغير".
يذكر أن، أميرة أديب تشارك في الفيلم الأمريكي "No Nation" للمخرج الأمريكي جيفري ألمونت، وتجسيد خلاله شخصية فتاة تمارس رياضة كرة القدم.
اقرأ أيضا: بسيارة فاخرة وكلب صغير.. أمال ماهر تفاجئ جمهورها بإطلالة ساحرة
View this post on Instagram
