رانيا محمود ياسين تنفي تعرض محمد رياض لحادث: «شوية حثالة بيطعوا شائعات»

نفت الفنانة رانيا محمود ياسين، ما تداوله بعض رواد مواقع التواصل الاجتماعي عن تعرض زوجها الفنان محمد رياض لحادث سير، مشيرة إلى أن هذه الشائعات ليس لها أساس من الصحة.

وعبرت عن استيائها الشديد من سماعها لمثل تلك الشائعات التي تطال زوجها، وقالت في تصريحات خاصة لـ«العاصمة»: «عيب بقى اللي بيتقال ده، فيه شوية حثالة بقالهم 3 شهور بيطلعوا إشاعات على محمد رياض».

وتساءلت: «مين السخيف ده اللي بيطلع الإشاعة دي وكل شوية يقعد يقولها، معقولة مفيش أخبار تانية غير محمد رياض، عندنا حدث كبير ومهم زي فوز السيسي بالانتخابات اللي كلنا فخورين بيه بدل ما نفرح ونركز فيه نروح نمسك في محمد رياض ونطلع عليه إشاعات».

وأضافت: «دي المرة الخامسة أو السادسة اللي يطلع فيها الاشاعة دي، والإعلام والصحافة أكبر بكتير من إشاعات السوشيال ميديا والتفاهات اللي بتتنشر عليه، مينفعش حد يمشي وراهم ويصدقهم».

وتابعت: « ومن يومين صحاب لينا من أستراليا كلمونا يطمنوا على محمد رياض، الموضوع ده مش هزار ده كلام يخوف ويرعب لأن دي أرواح ناس، وبعدين الفنانين مش لقمة سهلة في فم التافهين والمدعيين دول اللي مفيش حاجة وراهم غير محمد رياض، فيه أحداث تانية مهمة ركزوا فيها».

وطالبت في نهاية حديثها، الصحافة والإعلام بعدم السير وراء شائعات التافهين على السوشيال ميديا، مشيرة إلى أنها تعيش في قلق وخوف مستمر بسبب سماعها لهذه الشائعات المغرضة.

اقرأ أيضًا: محمد شاهين عن مشاركته في دراما رمضان: لو لقيت دور حلو هعمله