منتج «مخصماك» يكشف تفاصيل خلافه مع مسلم: «خدعني»

علق المنتج مصطفى السويفي، لأول مرة على خلافه مع المطرب مسلم، والذي كان سببا في حذف ديو أغنية "مخصماك" مع نوال، من منصات الموسيقى.

وقال «السويفي» في حواره مع «ET بالعربي»: «أنا صاحب شركة إنتاج والأغنية ملكي فمن حقي أحطها وأشيلها بس كل اللي بقوله أنا لو مش عايزه يغني مكنتس هجيبه، إنت طلبت مني تغني الأغنية، فقلت هنعمل ديو بشكل معين».

وأوضح أنه فوجئ بتعاقد مسلم مع المنتج سلطان الشن، قائلا: «لقيت الأغنية بتاعتي بتتقفل وبيتطلب مني فلوس عشان أفتحها لأنهم مالكين حق صوته، والأرقام مش قليلة».

وأضاف: «حسيت بخداع، مسلم خدعني وقالي إنه واخد إذن من الشركة وسلطان الشن يشهد على ذلك، عملنا اجتماع ولقيت إن مسلم مكانش مستأذن وفي الأخر الشركة اضطرت تدفع فلوس وحطتني في موقف وحش قوي».

ووجه رسالة لمسلم: «اتحايلت عليك كتير قوي تعمل ترويج للأغنية وقت نزولها في أبريل وانت معملتش حاجة، مفيش سبب واضح إنك متساعدناش، وانت اللي كنت عايز تغني الأغنية، وفجأة لما انتشرت، انت بقيت عايز تاخد النجاح ناحيتك، لا أنا أسف مش هسمحلك تاخد النجاح ناحيتك، هي مش ملكك على فكرة، هل أنا مديك تنازل عشان تقولي أشيلها ولا مشيلهاش أنا حر».

أغنية «مخصماك»

وحقتت أغنية «مخصماك» للمطربة نوال عبدالشافى نجاحا كبيرا ورقما قياسيا، حيث تخطت حاجز الـ 500 مليون مشاهدة على التيك توك، وأصبحت الأكثر استماعًا في الفترة الأخيرة نظرًا لبساطتها في الأداء.

اقرأ أيضا: مصطفى كامل بعد جدل أغنية روبي: تخطيط لإحداث بلبلة وبروباجندا زائفة