محمد فؤاد عن خلافه مع «هنيدي»: يشرفني يكون صاحبي لكن مش بالعافية

تحدث الفنان محمد فؤاد، عن حقيقة خلافه مع الفنان محمد هنيدي، والذي وقع بينهما بعد الفيلم الشهير الذي جمع بينهما "إسماعلية رايح جاي".

وقال فؤاد، خلال لقاء له في الموسم الجديد لبرنامج "كلام الناس" الذي تقدمه ياسمين عز: "هنيدي يشرفني إنه كان يكون صاحبي، هنيدي شيلته غيري خالص ومحصلش بعيدا عن فيلم إسماعلية رايح جاي إن أنا رحلته حته أو جالي حته، ومش حقيقي إنه عزمني في فرحه وأنا ما روحتش.. وصداقتنا كانت في الفيلم اللي بيقول كده، وكنا عايزين ننشر من خلال الفيلم المعاني الطيبة في الصداقة.. ليه هنبقى أصحاب لأن أنا مش هبقى صاحبه غصب عنه".

وأعرب عن حبه وتقديره لياسمين عز، قائلا: "رافعة راسنا انتي على طول، وانتي نجمة كبيرة وعاملة حالة ولازم تلاقي طوب كتير بس ربنا معاكي، مفيش حد بينجح من الهواء، وماردتش أطلع معاكي قبل كده عشان كنت تخين أوي الحمد لله انها محصلتش".

وتابع: "الناس دلوقتي تحسي انهم بيبقوا قاصدين يخبوا الكويس ويظهروا الوحش بس وإن كان في شئ إيجابي ميتقالش ونطلع السلبي لأنه اللي بيجيب مشاهدات أو تريند أو بيلفت النظر وده في حد ذاته دينيًا حرام وأخلاقيًا ليه مسمى مينفعش نقوله على الهواء إنما ده اللي مودينا في المصايب اللي احنا فيها ومحمد فؤاد من الناس اللي بينالهم من الحب جانب وقولت يا جماعة مش هغني غير لما اتطمن أن البلد بقت كويسة ومش هغني بالعافية مش هغني وأنا مش مبسوط".

اقرأ أيضا: أمير المصري يكشف تفاصيل تجسيد شخصية محمد الفايد في مسلسل «the crown»