صورة تثير الجدل حول عودة تامر حسني وبسمة بوسيل احتفالًا بالعام الجديد

وعلقت مصممة الأزياء بسمة بوسيل، لأول مرة على انفصالها عن الفنان تامر حسني، مؤكدة أنه رغم الانفصال، تربطها علاقة صداقة قوية بالأخير.

وقالت بسمة بوسيل طليقة تامر حسني وأم أبنائه، خلال لقاء لها بأحد البرامج التلفزيونية: "أصعب قرار خدته في حياتي هو الطلاق، لأنك بتبني حاجات لمدة سنين وفجأة تكتشف أنها لازم تتهد، وأعتقد أولادنا متفهمين موضوع الطلاق، لأنهم شايفين العلاقة بينا بقت أحسن، ومش بالضروري إننا معرفناش نكمل كزوجين منبقاش أصدقاء".

وعن علاقتها بأبنائها، قالت بسمة بوسيل، إنها تستشير أطفالها في كثير من المشاكل التي تواجهها لكي يتعلموا من تجارب الحياة، وهو أمر لا يمكن لأحد أن يتعلمه في المدارس، مضيفة: بقعد كتير مع أولادي وباخد رأيهم مش علشان يحلوا معايا المشكلة، ولكن أنا بربي أولادي على البزنس، لأن المدارس مش بتعلمنا اللي الحياة بتعلمه لينا".

وأضافت: "عمري ما كان فيه مقارنة بين شغلي، وأولادي علشان أختار بينهم، لأنهم أهم حاجة عندي، وأهم إنجاز في حياتي، لأنهم علموني أفهم كلمة أم، بيخلوك تحس بأحسن وأنضف المشاعر اللي بدون مقابل".