ادعت أنها شقيقتهما من ناحية الأم.. شقيق شيرين عبد الوهاب يتوعد بمقاضاة فتاة

هاجم محمد عبد الوهاب، شقيق الفنانة شيرين عبد الوهاب، فتاة تدعي أنها شقيقتهما من ناحية الأم، وذلك عبر صفحته الرسمية على موقع التواصل الاجتماعي «فيس بوك».

ونشر شقيق شيرين، مقطع فيديو للفتاة التي تدعي أنها شقيقتهما، وعلق على الفيديو: «حسبي الله ونعم الوكيل، أهو زي ما أنتم شايفين كدة ناس مريضة وناس حقودة وناس مقرفة وناس غلاوية وبلاوي بتتحدف علينا».

وأضاف: «ناس أقسم بالله ولا لينا علاقة بيهم مستنقع قذارة وخلصنا من لوسي جابتلنا توتي وصحافة وإعلام وناس ولا تعرفنا تطلع تقول علينا كلام كله افترى ما يعلم بيه إلا ربنا، ودلوقتي واحدة بتقول انها أختنا من الأم وبكرة واحده تانية من الأب وشوية ونلاقي أخواتنا في الرضاعة كمان هههههههه ماهي هيصة بقي ومش هنخلص».

واختتم حديثه، قائلا: «مش عارف أقول حسبي الله ونعم الوكيل علي مين بالظبط، على الناس دي ولا على اللي حطنا في الليلة دي غصب عننا، سيتم تقديم بلاغ رسمي ضد المريضة دي نشوف آيه حكايتها ومين وراها».

تعليق شقيق شيرين عبد الوهاب على طلاقها

وعلق شقيق شيرين عبدالوهاب، على أنباء طلاقها خلال منشور له عبر حسابه الشخصي على «فيس بوك»: «والله ولا كنت عايز أعلق على الموضوع أساسًا ولا عايز أصلًا يبقى لي علاقة بأي حاجة، أنا بس المعلومة عندي من يومين، ومن كتر التليفونات والرسايل من الصحفيين وأنا مليش أي علاقة ولا قريب ولا عايز».

وأضاف: «الحقيقة بحبها أوي روحي وعمري وأختي الكبيرة وتاج رأسي وخيرها علي، ولحم كتافي من خيرها وأمي التانية بعد أمي، وبإذن الله هترجع تاني تكسر الدنيا وتمتعنا بفنها وغناها وصوتها وإحساسها اللي مفيش زيه في الكوكب كله، وبتمنالها كل خير من كل قلبي وتاخد بالها من ولادها سندها في الدنيا ونور عنيها، بس كله من وأنا بعيد في حياتي وهي في حياتها».

واختتم: «وحياة أمي بحبها أوي بس والله الطاقة اللي عندي يدوب على قد شوية الأمراض اللي جتلي والحمد لله على كده، مليش علاقة بأي حاجة أتمني تسيبوني أرجع شخص عادي ملوش علاقة غير بنفسه وبس شكرًا».

اقرأ أيضًا: السبكي لـ العاصمة: «ليلة العيد» اتصور في جزيرة وأحداثه كلها عبارة يوم واحد