«انتهاك لقيم وأخلاق المحاماة».. هجوم ناري من نهاد أبو القمصان على مسلسل «حالة خاصة»

تصدر مسلسل «حالة خاصة»، الترند على محركات البحث على جوجل، وذلك عقب عرض أول 4 حلقات منه على منصة watch it.

ورغم ذلك النجاح، إلا أن المحامية نهاد أبو القمصان هاجمت المسلسل خلال فيديو نشرته عبر «التيك توك».

وقالت نهاد خلال الفيديو: «جميل أن يكون في مسلسل بيتكلم عن وجود شاب عنده حالة خاصة بس المكتب ده عايز يتشمع بكل المحامين اللي فيه، يعني أولا إزاي نجيب صاحبة القضية ونقعدها مع كل المحامين ومنهم المحامين اللي تحت التمرين ونقولها قولي كل أسرارك قدام الكل ونقولها هم دول اللي هيحلولك القضية، ده ضد مهنة المحاماة تماما مش في حاجة اسمها خصوصية إزاي أجيب موكل يتكلم عن أسراره قدام شباب لسة بيتعلموا ومتعينوش في المكتب، دا انتهاك شديد لقيم وأخلاق مهنة المحاماة».

وأضافت: «ثانيا خلع ايه اللي بيعملوله تحقيق، 6 بيحققوا في قضية خلع ويصوروا جوز الست ويقولولها هاتي كشف طبي، الكلام ده ممكن يكون بيطبق في انجلترا اللي فيها اقتسام للثروة فكل واحد بيثبت أنه مش سبب الطلاق، لكن الخلع عندنا الست بتتنازل عن أي حاجة ومش بتقول أسباب أصلا أما التحقيقات دي في الطلاق للضرر».

وتابعت: «كمان الجناية اللي المتهم ممكن يأخذ فيها إعدام ولسة بنتناقش وحد يديها برشامة فيها الحل قبل ما تترافع وتقولولي دي أكبر محامية في مصر وهي الصبح بتقول للمحامين أنتوا أكبر عقول وأكبر محامين ومش عارفين توصلوا لحل».

واستكملت أبو القمصان حديثها، قائلة: «صاحبة المكتب قعدة مع الـ6 متدربين اللي لسة بتختبرهم مش حتى دول تحت التمرين والست أفراد معاهم قضية واحدة، ولا المحامي المتحرش هل في محامي ممكن يتجرأ على أستاذته ويتكلم معاها بالطريقة دي».

واختتمت نهاد أبو القمصان، حديثها مطالبة نقابة المحامين بضرورة مواجهة هذه الافكار الذي ينشرها مسلسل حالة خاصة، قائلة: «حرام تدمروا ثقافة المجتمع القانونية ده احنا بنقعد سنين نبني الوعي القانوني وكمان موكلة تيجي لمحامية تقولها أنا هربانة من البوليس فتكلم المباحث تسلمها هي فين نقابة المحامين من الكلام ده».

مسلسل حالة خاصة

تدور أحداث مسلسل «حالة خاصة» حول شاب مصاب بالتوحد يعمل في مكتب محاماة تمتلكه غادة عادل، ولكن هذا الشاب يعتبر أذكى شخص بالمكتب ودومًا ما يجد حلول وأفكار للقضايا.

أبطال مسلسل حالة خاصة 

يعد مسلسل «حالة خاصة» بطولة كل من الفنان الشاب طه دسوقى، الفنانة غادة عادل، أحمد طارق، هاجر السرّاج، حسن أبو الروس، وئام مجدى، أحمد الأزعر، على السباعى، لينا إيهاب، الطفل آدم وهدان، أدهم النحاس، المسلسل من تأليف مهاب طارق وإخراج عبد العزيز النجار وإنتاج طارق الجنايني.

@nehadabolkomsan مسلسل حالة خاصة واخطاء تفقع ???? #حكايات_نهاد #نهاد_ابوالقمصان #viralvideo #foryoupage #foryou #viral #f #fyp #حالة_خاصة #مسلسل ♬ original sound - Nehad Abolkomsan

اقرأ أيضًا: شاب يتقدم لـ نوال الزغبي على الهواء.. شاهد ردة فعلها (فيديو)