ريهام حجاج تخرج عن صمتها وترد على الأكاذيب
كتب: شروق خالد
على غير العادة، قامت النجمة ريهام حجاج بالتعليق على ما أثارته بعض الصفحات المضللة على وسائل التواصل الاجتماعي، وأدعت كذبًا وبهتانًا أنها كتبت على «استوري» حسابها الشخصى على «إنستجرام» عبارة: «النهاردة أسعد يوم في حياتي»، وقامت بفبركة ذلك المنشور كي تدخلها في أمور لا شأن لها بها.
حيث قالت «ريهام» في فيديو بثته عبر حسابها الشخصي على «إنستجرام» لتوضيح الأمر:
«طالعة النهاردة أعمل الفيديو ده علشان أرد وأنا مش متعودة الحقيقة إني أرد على أي إشاعات أو أي افتراءات، حصل قبل كده بقالي 6 سنين كلام أنا عمري ما قولته وبيتقال حاجات عمرها ما حصلت مني وأنا عمري ما رديت».
وتابعت: «بس النهاردة قررت إني أرد وسخافة أوي بصراحة وقلة احترام وقلة دين وقلة تربية إني أبقى قاعدة في البيت لا بيا ولا عليا، وكان بقالي 7 ساعات مامسكتش الموبايل أصلا، وفجأة اكتشف إني منزلة استوري ومسحتها واستوري كاتبة فيها إنه أحلى يوم في حياتي وسخافات كده مالهاش أي علاقة لا بيا ولا بأخلاقي».
واختتمت ريهام حجاج قائلة: «وحابة أرد بقى النهاردة، لأني بعد كده مش هسمح لحد إنه يطلع عليا إشاعات وأسكت أنا معملتش كده وناس كتير أوي متبعاني وباعتين لي بيقولولي أنتي منزلتيش حاجة والناس بتقول إنه منتشر على صفحات كتير كلها صفحات رخيصة بتدور على الفتنة والوقيعة بين الناس».
عرض هذا المنشور على Instagram
ومن ناحية أخرى، بدأت النجمة ريهام حجاج بالتحضير وتصوير مسلسلها الرمضاني 2024 الذي تلعب بطولته وهو من تأليف أيمن سلامة، وإخراج سامح عبد العزيز، حيث تدور أحداث في إطار من التشويق والإثارة.
ويشارك في بطولة العمل كلا من: عصام السقا خالد الصاوى، رحاب الجمل فراس سعيد سلوى خطاب عبير منير، نور إيهاب، سليم الترك، وآخرون.
