أحمد فلوكس: إلهام شاهين كانت بتجري ورايا عشان أمثل في فيلم من إنتاجها ورفضت
كتب: محمود جودة
رد الفنان أحمد فلوكس على الفنانة إلهام شاهين بعد هجومها عليه لقاء تليفزيوني، وقالت "أحمد فلوكس بيدولوا أكتر من أهميته الصراحة"، بسبب تعليقاته الأخيرة عليها وعلى عدد من نجوم الفن والإعلام.
ونشر فلوكس فيديو على صفحته بموقع "انستجرام" قال فيه: "إلهام شاهين كانت بتنتج في مرة فيلم وجريت ورايا كتير عشان أمثل فيه وكنت برفض، وبتقول عليا في الآخر أنا اللي بدور على التريند".
وكتب في تعليقه على الفيديو: "بيدولي أكتر من حجمي..!، هذا فيديو به الرد الأمثل علي كل ما قلتيه و علي شخصك ولسانك ليري الناس بأعينهم الحق من الباطل والمريض من السوي ومين يصعب علي مين".
وأضاف فلوكس: "ولما أكتر من حجمي..! و بعدين فتنه فنيه ..! هو اللي يقول علي الملأ كنا بنبوس زمان وفين زمن البوس الجميل مش ده عايز التريند برده ؟ وإيه اللي حصل للدنيا دي مش فتنه..؟ وتخلي شكلنا امام الناس ان احنا بقرون و برخصه لاموخذة".
واستكمل فلوكس: "طب أنتي ولا محترمة سنك ولا محترمة مكانتك ولا محترمة حد وده من الأول حتي والدك.. احنا ذنبنا إيه يطلع شكلنا كده.. وبعدين فتنة علشان محترم، وتريند إيه اللي هاركبوا، هو انا اللي بقول تصريحات فاجرة خارج عاداتنا و تقاليدنا علشان ابقي تريند..!".
وأكد فلوكس: "ده انتي حتي فرحي كنت هاتحتفلي بيه قال علشان تبقي نايبك من الحب جانب.. وبعدين أضواء إيه يا أستاذة… أنا طول عمري شغلي هو اللي بينورني مش الجيبه يا فندم… وبعد كل ده تقولي نفسيا وصعبان عليكي..! أنا اللي صعبان عليكي بردوا..!".
وأضاف فلوكس: "طب ووالدك مكنش صعبان عليكي وانتي مش عملاله اعتبار! و كل الفنانين بيصعبوا عليكي علي أساس أن حضرتك عالمه فلك أو عالمة فضاء … و بنصعب عليكي..! نشكرك يا مدام الهام و بعدين محامي فنانين مين .. حضرتك .. ليه ؟ علي أساس أن مافيهاش رجاله فمستنين ست هي الحامي لينا..! علي فكره … السيستم ده يمشي في البيت عند حضرتك لأنك كبيرة بيتكم وأخواتك… لكن عندنا لا".
وأكد فلوكس: "ما اتربتش على اللي بتقوليه ده.. الراجل عندنا لاموخذه راجل مابيستناش حاجة من ست بل بيعزها ويكرمها.. بعد كل ده بتقولي مش هارد.. هههه عموما أنا علشان سنك و مكانتك مش هارد وأشكرك.. بالنسبه لتعبان من أي حاجه فعيب يا أستاذة هو كلامك كله كدة … تعبان ... أكتر من حجمه … هههههههههههه لا مش تعبان ياست الكل وحتى لو تعبان الحمد لله أنا ماعنديش حاجه تستخبى واللي بيته من إزاز يعمل ايه؟".
