بعد الهجوم عليه.. مصطفى كامل: «أنا ليه اتحدف بالطوب بسبب نقابة الموسيقيين»
كتب: نسرين إبراهيم
كشف الفنان مصطفى كامل، عن أسباب رغبته في الاستقالة من منصب نقيب المهن التمثيلية، معبرا عن استيائه الشديد من الانتقادات والهجوم الذي تعرض له، منذ توليه المنصب.
وقال مصطفى كامل، خلال وجوده بمنزله بحضور أعضاء النقابة ومنهم الفنانة نادية مصطفى وحلمي عبد الباقي: "أنا بتحدف بالطوب في كلامي وأنا مؤلف، وفي لحني وأنا ملحن، وفي غنايا وأنا في حفلة، الناس مالهاش دعوى زوري كان تعبان وتقولك صوته زي الزفت، كفاية طوب عليا في شقايا، أنا ليه اتحدف بالطوب في النقابة؟ أنا سيبت بيتي وعيالي وكبرت في السن".
وأضاف: "ولما نيجي نحمي البلد من أي مصنف يقولك حرية تعبير، ولما نسيب حرية التعبير يقولك أنت اللي سيبت، عمالين نترزع ونتخبط وكل أهدفنا بنعلنها، وأنا بعلنها ولا أتخن شنب فيكي يا مصر يزايد على حب مصطفى كامل لمصر، ولا مصر جابت حد شايل كفنه على إيده زي مصطفى كامل".
وتابع: "احنا كفانيين اتعودنا على اللي بيهدم، ولكن بتكلم على مؤسسة خدمة زي نقابة المهن الموسيقية اللي نهب فيها متسجنش، اللي سرقها متسجنش، فاللي رعاها ورعى ربنا يتشتم تحت مرئى ومسمع من الأجهزة كلها؟ مين يقبل بكده وليه؟ لو قبلت بكده أبقى راجل وضيع، لازم نأخذ إجراءات فمن يحاولون هدمها، دول بيهدموا 100 ألف أسرة".
اقرأ أيضا: ميار الغيطي تشارك بـ 3 أعمال في رمضان 2024
