هشام جمال: طلبت إيد ليلى في النادي الأهلي.. ووالدها له طلب وحيد

كشف الفنان والمنتج هشام جمال تفاصيل تقدمه لطلب إيد الفنانة ليلى أحمد زاهر ابنة الفنان أحمد زاهر، كما تحدث عن طلب أحمد زاهر له.

وقال هشام جمال، خلال لقائه في برنامج صاحبة السعادة لإسعاد يونس: أنا اتقدمت لزيزو في النادي الأهلي، علشان الناس تعرف قد إيه أنا أهلاوي، كان عندنا حاجة واتقابلنا في النادي، وبعد ما خلصنا الموضوع كان رايح عزاء وأنا رايح نفس العزاء، وقعدنا نتغدى في النادي مع بعض، وفجأة خطفته بسؤال هنعمل إيه في موضوع ليلى.

وتابع: أول سؤال سأله والدها كان الموضوع بدأ امتى، فقلت له متخافش أنا معملتش أي حاجة تتخطى حدود الأدب والاحترام، واتكلمنا 4 ساعات، وبعد العزاء كملنا كلام لغاية الساعة 2 الصبح، حكيت له كل حاجة ممكن تبقى مهم يعرفها، وليه إحساسي كده ناحية بنتك، وليه شايف إنك المفروض توافق، وطمنته على حاجات كثيرة، وليلى قالتلي أبويا هيقتل اللي يتقدملي، وهو مشكلته الرئيسية إنه بيحب بناته جدًا وخايف عليهم.

هشام جمال: طلب أحمد زاهر الوحيد هو أخد بالي من بنته

وأردف هشام جمال: طمنته بمنطق متخافش عليها، وفي قراءة الفاتحة كان له طلب وحيد، عايزك تاخد بالك من بنتي.