«بخاف عليهم من الحسد».. زينة تكشف سبب عدم ظهور أبنائها

كشفت الفنانة زينة، عن سبب عدم ظهور أبنائها على صفحات السوشيال ميديا، وحرصها الشديد على عدم نشر صورا لهما.

وقالت زينة، خلال لقائها في برنامج "الراديو بيضحك" على إذاعة 9090، مع الإعلامية فاطمة مصطفى:"أنا مش حابة خالص الحقيقة، دول عيالي مش مطالبين بده، أنا بضايق لما حد يقولي ممكن تورينا ولادك، أنت مالك هو أنا طلبت منك توريني ولادك، بحس إنها حاجة خاصة جدا، والولاد عموما بيبقوا حساسين أوي ناحية الحسد والحاجات دي".

وأضافت: "أنا ببذل مجهود كبير أوي علشان ما ظهرهمش على فكرة، وبتحرم من حاجات كتير أوي إن مثلا أنزل أخرج كده معاهم بخاف حد يصور بخاف على العيال أوي، ودي حرية شخصية وكل واحد حر في حياته، وأنا مش بدخل في حياة حد ولا حياة الجمهور، والجمهور له عندي شغلي مالهوش عندي حياتي الخاصة خالص، أنا بخاف عليهم وده حقي".

وتابعت: "كنت في الهلال الأحمر، علشان فلسطين، أخدتهم معايا علشان أنا أعلمهم وبنروح دار أيتام وليهم أصحاب هناك وبيقولوا عليهم اخواتهم وبيجيبوا لهم حاجات بس ما بقولش ده، اللي عايز يعمل خير يعمله، بس عايز أعلمهم حاجة فضحيت بولادي للدرجادي، علشان أعرفهم بفلسطين وأنهم لازم يقفوا جنب أخواتهم ويعرفوا اللي بيحصل ويحسوا بالناس، أنا عايزة عيال قوية عندها احساس بغيرها".

وأكملت: "أنا صورتهم بضهرهم، وكنت ماسكة دراع ابني دراعه اتكسر، وبحاول الحاجات اللي دخلت حياتنا زي السوشيال ميديا والتيك توك آخر وجودها معاهم لأنهم زي الأطفال عايزين ده، فأنا بجاهد في ناحيتين إن مش عايزهم يتصورا غصب عني، وإن إزاى أخليهم يبعدوا عن الحاجات دي، وهما إلى حد ما لحد دلوقتي بيسمعوا الكلام".

إقرأ أيضاً: رانيا يوسف: خايفة على بنتي من الشهرة.. وكلامي عن "المساكنة" تم تحريفه