«جيت في ملعبي».. إبراهيم سعيد : «محمد صلاح شاغل نفسه بيا  وعيب اللى بيحصل ده» | فيديو

هاجم إبراهيم سعيد لاعب الفريق الأول لكرة القدم بالنادي الأهلي ومنتخب مصر السابق، النجم محمد صلاح لاعب منتخبنا الوطني والمحترف في صفوف ليفربول الإنجليزي.

وقال إبراهيم سعيد خلال برنامجه شاشة قناة "النهار": "محمد صلاح بيلعب معايا لعبة، وأنا بحب المباريات، ودي لعبتي، وفي مواقف كتير بتأكد أنه شاغل دماغه بيا، وهو لو حطني في دماغه ممكن ده يبعده شوية".

وتابع قائلًا: "الرزق ده بتاع ربنا، الحاجات اللي بتحصل دي عيب، واللي بتعمله بيوصلني، لما اتكلمت عليك اتكلمت في مواقف مع منتخب مصر ماتكلمتش على محمد صلاح لاعب ليفربول".

"الناس كلها دلعـ ـتك وكانوا بيخـ ـافوا منك"????
تعليق غـ ــاضـ ــب من إبراهيم سعيد على مافعـ ـله محمد صلاح ويعلق "انت مش حـ ـزين على ز.عل الجمهور المصري" ????#النهار #plus90 pic.twitter.com/7RHsRspRrG

— Al Nahar Ryada (@AlNaharRyadaTV) February 10, 2024

وأضاف: "الأساليب اللي بتحصل معايا مش كرة، بس مش مشكلة أنا معاك وحاول مرة تانية وتالتة ورابعة، وممكن تكسب وممكن تخسر، بس أنا بحب اتعامل في الحاجات دي بطريقة أفضل".

وأكمل لاعب منتخب مصر السابق: "أكتر واحد وقف معاك هو إبراهيم سعيد، وانت عارف ومتأكد لأن مفيش حاجة بتفوتها وبتتابع كل حاجة، وسيبك من كلام مش بتابع، انت بتتابع كل حاجة".

وواصل مدافع الأهلي الأسبق: "انت مستغرب أن إبراهيم سعيد بينتقدك، اه بنتقدك، انا كابتنك، وموضوع أنك تلعب اللعب ده مش حلوة لأنك مش فوق النقد، ومن مصلحة الكرة المصرية انك تتعرض للنقد".

وأردف: "انت مفرحتش الشعب المصري، وانا نفسي اشوفك رافع كأس أمم إفريقيا، زي ما بتتصور بالحذاء والدروع مع ليفربول، لأن ده إنجاز شخصي ليك مع منتخب مصر".

واختتم: "نفسي أشوف محمد صلاح بتاع زمان، المتواضع اللي كان بيبقى ماسك المصحف في أيده، وسيبك من الكتب والحاجات اللي بتنزلها دي مابتأكلش عيش، عايز أشوف محمد صلاح اللي بيقدر كل الناس".