سارة نخلة: بلجأ لعمليات التجميل علشان أحافظ على جمالي
كتب: زياد محمد
تحدثت الإعلامية والفنانة سارة نخلة عن تواجدها في الأهرامات، حيث قالت: لا جيت الأهرامات كتير، وبحب الأهرامات، وكل معالم مصر، وبفرح لما بلاقي إيفينت هنا في المعالم ديه وسط وجود ناس من جميع الجنسيات وفي وسط الزحمة كمان.
وعن غناء رامي جمال في حفل الأهرامات، قالت: بحب رامي جمال، اتكلمت عليه قبل كده كحاجة إيجابية هو ومراته، وبحب أغنيته اللي مشيوا والأغنية بقالها 10 سنين.
كما كشفت سارة نخلة عن سبب ابتعادها عن التمثيل بسبب الإعلام، قائلة: لما ببقى مذيعة مش بمثل وبفصل بين الاتنين علشان برنامجي بيبقى على الهوا، وأتعرف عني زمان إني بقول رأيي بكل صراحه، ومقلة في التمثيل، علشان بيعتمد على المجاملات أكتر والعلاقات الشخصية وأنا دايمًا بعيده إلا لو في دور حلو أوي، وفي بدايتي اعتمد على شكلي، وأنا مش دارسه إعلام وعندي طريقة في الإلقاء جميلة، وبرغي كتير، وقولت أجرب أبقى مذيعة، واحترامي لكل المذيعيين، أنا مش دارسه إعلام، وهما غامروا بالبرنامج وأدهولي علشان شكلي، ولو مكنتش جيدة مكنتش هكمل.
وعن لجوئها لعمليات التجميل، قالت سارة نخلة: بلجأ لعمليات التجميل علشان أحافظ على جمالي، لو مخدتش بالك منه هتروح، وكل حاجه في الميك أب بتتغير.
سارة نخلة: اللي هيشتمي هرد عليه
وردت سارة نخلة على الهجوم التي تتعرض له عبر حساباتها عبر مواقع التواصل الاجتماعي، إذ قالت: وأي حد هيشتمي على الفيس بوك أو أي منصة، أنا حره مش زي الناس اللي بتقول مننزلش للمستوى ده، لأ أنا بنزل وبرد عليهم بنفس الطريقة، قليل الأدب ممكن يتمادى بحجه إنه فنان ومش هيرد، هنزلك وأرد عليك وأحط رجل على رجل، بدأت إني أخفف من ده وقفلت التعليقات، ومش بعرف اتحكم في نفسي، وأنا مش مكسبتش الناس علشان أخسرهم، فمش فارقلي.
واختتمت نخلة حديثها عن هجومها على الفنانى حلا شيحة، قائلة: مظنش إن حلا شيحة اتضايقت، علشان مكنش رأي بس كان رأي نقابة الفنانين، ولكن رأي اتغير بعد اعتذارها علشان من غير الطبيعي لو بنت هتجرب الحجاب، لو محبتوش هتشيله، والحجاب كلمة مش سهلة، له أصوله ولبسه، والحجاب مرتبط مع الزيجات، واللي يحبني لو طلب مني اني اتحجب أو أخس نص كيلو مش هتحجب، ومش هخس اللي يحبني يحبني زي ما أنا.
