شيرين رضا: «70% من الناس غير مؤهلين للإنجاب.. والستات بتخلف عشان تربط الراجل جنبها»

أكدت الفنانة شيرين رضا أن هناك عدد كبير من الرجال والسيدات غير مؤهلين بالمرة للإنجاب ويصل نسبتهم لـ 70% .

وأوضحت "رضا" بقولها: "مش كل الناس مؤهلة تخلف وأنا محرمتش حد من الخلفة ولكن اللي بيرموا أطفالهم دول متسائلة: "هل هما مؤهلين أنهم يخلفوا؟".

وتابعت: "70% من الرجالة والستات غير مؤهلين أنهم يخلفوا، الست بتفكر أنها بتربط الراجل بالأطفال، وكل عيل بيجي برزقه مش ده الكلام المتخلف اللي بنقوله؟ والراجل بيخلف عشان عايز ولد عشان يشيل اسمه اسمك ايه يا حبيبي أنت أما تموت خلال الدنيا هتمشي من بعدك".

واستطردت: "عندنا أزمة وعي وفي كلام متخلف احنا كبرنا عليه وعمالين بنعيد ونزيد فيه مش شايفين تنمية وكل عيل بيجي برزقه دي أفكار لازم تتنسف تماما، عيل إيه اللي بتيجي برزقه".

واختتمت "رضا" بقولها: "هو أنا طالبة من مولود أن يجبلي رزق؟ عمرنا ما هنحس بكل التنمية الحاجات الحلوة اللي بتحصل لبلدنا طول ما احنا عمالين بنزيد"، وجاء ذلك خلال استضافتها مع الإعلامية أسما إبراهيم في برنامج "حبر سري" المذاع عبر قناة "القاهرة والناس".