عايدة غنيم: كنت الجوازة رقم 2 في حياة طليقي.. وابني عنده حرمان بيئي وفرط حركة

تحدثت الفنانة عايدة غنيم، عن الفيديو الذي نشرته عبر حسابها الشخصي بموقع تيك توك، وجهت خلاله رسالة لطليقها مطالبة إياه بمساعدتها في الإنفاق على نجلهما والمساهمة في دفع تكاليف علاجه، وتفاصيل انفصالها.

وقالت عايدة غنيم، في لقائها مع الإعلامية إنجي هشام، في برنامج "المنسي"، المذاع عبر شاشة قناة "هي": أنا عملت فيديو وقولت فيه بوجه رسالة لناس عارفة نفسها، يعني مكنتش بوجه للناس بشكل عام، وقصدت أعمل الفيديو علشان أقطع كل الألسنة واللي عنده حاجة غير اللي بقوله يقولها.

وتابعت: أنا كنت الجوازة رقم 2 في حياة طليقي، ولكن أنا مش سبب انفصاله عن زوجته الأولى، واتعرفت عليه في 3 شهور واتجوزنا وقعدنا 4 سنين متجوزين، وأنا مخدتش إجراءات قانونية حتى من قبل ما نطلق لأني مش عايزة حد يقول لابني لما يكبر مامتك دخلت باباك المحكمة.

عايدة غنيم تحكي عن تجربة طلاقها

وأضافت: أنا لما طلبت الطلاق قعدت سنة و3 شهور متعلقة لأنه مكنش عايز يطلقني، ومرفعتش قضية خلع مع أن ناس كتير نصحوني أرفع خلع، وأنا ربنا بيرزقني علشان خاطر ابني، وابني متأخر في الكلام وعنده حاجة اسمها حرمان بيئي، وبياخد تعديل سلوك وجلسات تنمية مهارات وتخاطب وتكامل حسي، وهو عنده فرط حركة وبمرنه جومباز وسباحة، وده مش رفاهية، وأنا مفيش حد جنبي ولا بيحضر معايا جلسات ابني.

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.

اقرأ أيضا: سحر أسود وبودرة من المقابر وروح شريرة... شيرين عبد الوهاب تثير ضجة بتصريحات غريبة