مها أحمد: أنا بطلة من بداية ظهوري مش كومبارس زي ما بيقولوا
كتب: مؤمن نصر
علقت الفنانة مها أحمد على غرورها قائلة: "مش عندي غرور لكن بحاول اخليه عندي، يمكن اطلع تريند، غروري في بداية حياتي خلاني ارفض ادوار وخسرني كتير، واي حد لازم في بداياتي معملش كده".
مها أحمد: بداياتي كانت بطولة
وقالت مها أحمد، خلال استضافتها ببرنامج "أسرار" مع الإعلامية أميرة بدر المذاع على قناة النهار: "عملت بطولة مسلسلين ومسرح وفيلم، فا أنا بطلة من بدايتي مش زي ما الناس بتقول انتي بتطلبي شغل يا كومبارس، مع اني اتشرف بكومبارس لأنه بني آدم".
وعلقت على ظهورها على منصة تيك توك قائلة: "الناس فاهمه غلط، وجوزي مجدي كامل لو مش موافق مش هعمل كده لانه راجل اوي وبحترمه، واللايفات التانية اللي مش حلوة مش من مصر لان كل بلد ليها قواعد".
وأوضحت: في نجوم بيجلها أدوار من تيك توك وفيه نجوم كوميديا طلعت على تيك توك وعملوا مسابقات ومطرب مشهور جدا وبيطلع يعمل تحديات وبيجيلوا دعم ولو هما مش عايزين او مش قاصدين المكسب منه، ممكن يقفلوا زرار الهدايا من البرنامج، والمنصة مش بتكسب إلا مشاهير التيك توك، انما انا لو عايزة اكسب هطلع طول اليوم مش هنام، اللي بيبعت هدايا دول بيدعموا من باب زكاة أو صدقة، لكن أنا بكسب علاقات مش فلوس، المنصة معمولة للمواهب اللي مش عارفين يطلعوا، واحنا بنطلع بشكل حلو كفنانين وبندعم بعض".
اقرأ أيضاً: روجينا تخرج من السجن وتعثر ذهب هارون بالحلقة ال 5 من سر إلهي
عرض هذا المنشور على Instagram
