غادة عادل: مبحبش التنمر وبستمتع بكل مرحلة في حياتي
كتب: مؤمن نصر
حلت الفنانة غادة عادل ضيفة على برنامج "ألبوم صور" مع إيناس سلامة الشواف عبر محطة راديو إنرجي 92.1 ضمن خريطة برامج رمضان 2024.
وقالت "غادة" إنها تحب الخصوصية في حياتها، موضحة:" مبحبش حد يصور حياتي الخاصة.. وبفضل صورتي قدام الناس تكون حقيقية".
وأشارت إلى أنها تعيش حياتها بشكل طبيعي قائلة:" أنا إنسانة طبيعية تعيش حياة بعمل فيها كل حاجة وبطلت أبرر نفسي ومش ومحتاجة أوضح حاجة.. اللي عاوز يفهم غلط هو حر".
وعن صدمتها في الكثير من الأشخاص في حياتها، قالت: "مش مسموح لحد يعمل لحياتي زووم.. وكتير قربت لناس واتصدمت وشفت في حياتي كتير ومبقتش بعمل حساب لحد ولو حد عاملني وحش ببعد عنه.. مبدأي في حياتي أكون على طبيعتي وعاوزة الناس تقبلني زي منا".
واستطردت:" السوشيال ميديا لما زادت بقينا طول الوقت محطوطين تحت ضغط وأنا بقيت مش عاوزة اشوف حاجة حلوة أو وحشة.. الواحد من كتر ما شاف في حياته مبقاش عندي دماغ لكل ده".
وأشارت إلى أن أسرتها مقربة منها موضحة:" ولادي أكتر حاجة منورة حياتي.. وحب الناس لما شغلي ينجح ورد فعل الناس دي الإضاءة اللي بتنور قلبي وعقلي وروحي".
وفي الختام، كشفت غادة عادل عن مخاوفها قائلة:" زمان كنت بخاف من إني بكبر بس دلوقتي لا بعيش المرحلة وبستمتع بكل مرحلة في حياتي وكل وقت وله حلاوته".
