عصام عمر: كل الناس قابلة للتعويض ما عدا أبويا وأمي.. ومبحبش أقرب من الناس أوي

قال الفنان الشاب عصام عمر، إنه لا يحب انتشار صوره الشخصية في مقابل صور العمل، موضحا: " بحب الصور توصل شغلي لكن قليل أوي لما بطلع حاجة شخصية". 

واستطرد عصام عمر قائلا: "بهتم صورتي تبقى حقيقية ومش بحب الفلاتر.. ولو حد فهمني غلط في البداية كنت مبحبش أحسن صورتي بس لما كبرت في ناس مهمة في حياتي لازم أقولهم الحكاية مباشرة".

وأكد عصام عمر على أنه لا يحكم بالظاهر على الآخرين موضحا: "واحنا صغيرين كنا بنحكم بالشكل بس لما بتكبر بنعرف إن محدش غلطان بالكامل والناس كلها معذورة". 

وكشف عصام عمر عن صفات شخصية وطباع خاصة به قائلا: "محدش مسموح له يشوف عيوبي ومش كل الناس لازم تعرف كل حاجة.. ومبحبش أقرب من الناس أوي.. بحب أعيش في اللالالاند عشان لو قربت من الناس هشوف حاجات مش هتعجبني". 

وتحدث عن عائلته وعلاقته بهم قائلا: "كل الناس قابلة للتعويض ما عدا أمي وأبويا وبخاف على زعلهم أوي".

برنامج "ألبوم صور"

وجاءت تصريحاته هذه، خلال لقائه ببرنامج "ألبوم صور" مع إيناس سلامة الشواف عبر محطة راديو إنرجي 92.1 ضمن خريطة برامج رمضان 2024.

مسلسل "مسار إجباري"

ويشارك عصام عمر، في موسم رمضان 2024، بمسلسل "مسار إجباري" والذي يجمعه بكل من أحمد داش، صابرين، بسمة، وعدد آخر من الفنانين.

اقرأ أيضا: موعد إعادة مسلسل الحشاشين في رمضان