عصام صاصا: ممنوع رقاصة تطلع جنبي.. وسبب نجاحي أن بكره مش فارقلي
كتب: مؤمن نصر
حل المطرب عصام صاصا، ضيفا على برنامج أسرار تقديم الإعلامية أميرة بدر المذاع عبر شاشة قناة النهار، وخلال لقائه تحدث عن خطيئة الحسد وحكايات راقصات الساحل الشمالي.
عصام صاصا: عمري في حياتي ما طلعت رقاصة جنبي
قال صاصا: عمري في حياتي ما طلعت رقاصة جنبي حتى مهما كان أسمها.. لأني مش بحب رقاصة تطلع جنبي وأنا شغال.. بروح حفلات في الساحل ولكن مش بطلع رقاصة جنبي علشان بضايق.
تابع: أنت طالع تتفرج على عصام، الرقاصة هتاخد 80 في المية من المشاهدة، وكمان الناس بتتكلم كلام مش بيعجبني لأن جوايا صعيدي، بحب أطلع على المسرح لواحدي.
وفي الختام، أكد أنه لا يوجد عنده خطيئة الحسد، قائلًا: عمري مافكرت أحسد ومحمد رمضان ممكن يجيب حاجة تعجبني بس مش لدرجة الحسد، وسبب نجاحي أن بكره مش فارقلي، و عمري ما قعدت مستني أغنية تنجح ليا.
اقرأ أيضاً: حسن شاكوش يحتفل بحصوله على الإقامة الذهبية من الإمارات
?
