مي عمر: لما حصلنا أزمة الناس طلعت تهاجمنا عشان يطلعوا تريند

علقت الفنانة مي عمر على أزمة فيلم هارلي قائلة: "مزعلتش من استاذ محمود حميدة وبحبه جداً، ومبسوطة اني اشتغلت معاه واتعرفت عليه، وانا ماضية الفيلم من زمان ومتفقة على اسمي يتحط فين، لكن مشكلته مش معايا، والشغل معاه يكبر،  واتفاقه كان حاجة تانية خالص مع جهة الانتاج".

وقالت مي عمر، خلال استضافتها ببرنامج "أسرار" مع الإعلامية أميرة بدر المذاع على قناة النهار: "فيلم هارلي بتاع محمد رمضان وطبيعي اسمه يتحط الاول، وكان للزم يحصل اتفاق ويوصلو لحل يرضي كل الاطراف، بحس يغضب لما احس بظلم، ولما اتصدم في ناس كنت فاكره انهم كويسين والاقي العكس، وفي فترة من الفترات كان في حياتنا ازمة معروفة لكن عرفتنا الناس من حوالينا، وناس طلعت تهاجم عشان تطلع تريند، ومنهم كانوا صحابنا لكن اتصدمت فيهم".

كما علقت على اقاويل الفنانة فريدة سيف النصر عن مسلسل رانيا وسكينة قائلة: "لما والدي تعب كانت فترة وعدت وهو كويس الحمدلله واضطرينا نسافر وقعدنا فترة كبيرة برة والموضوع كان خطر ومجهد نفسياً، ووالدي بيحب الفن وبيحترمه وبيشجعني جدًا، وحماتي من اكتر الناس اللي بتشجعني برضو، ولو فيه مشكلة بيننا بتقف معايا انا مش معاه هو".

وأضافت: "استغربت لما سمعت كلام استاذة فريدة سيف النصر عن مسلسل رانيا وسكينة، وهي فنانة مهمة جدًا، وانا وروبي صحاب جدًا، ومفيش مرة اختلفنا في وجهات النظر، ولما المسلسل خلص زعلنا عشان مش هنشوف بعض كتير تاني، ومعرفش ازاي فريدة سيف النصر قالت كده".

‎اقرأ أيضاً: الحلقه ١٦ من مسلسل نعمة الأفوكاتو.. ملخص الأحداث

https://www.facebook.com/share/v/7w1t311KV72So1R6/?mibextid=WC7FNe