مي عمر: مكنتش حابة دوري في «علاقة مشروعة» واترددت في تقديمه

كشفت الفنانة مي عمر عن كواليس دورها في مسلسل علاقة مشروعة قائلة: "كارثة إن يبقى في واحدة على علاقة مع واحد متجوز، وانا عملت الشخصية دي في مسلسل علاقة مشروعة ومكنتش حباها واترددت في تقديمها، وبكره الشخصية دي جدًا على الحقيقة، وبدأت أحاول ابقى هي عشان أحبها وأعرف هي شايفة نفسها إزاي، ووجة نظرها إنها بتشوف نفسها مش غلطانة، وإن إيه المشكلة ما هي بتحبه وسايباه مع مراته عادي". 

وتابعت "عمر،" خلال استضافتها ببرنامج "أسرار" مع الإعلامية أميرة بدر المذاع على قناة النهار: "أنا كـ مي بشوف إن مفروض راجل متجوز خط أحمر، واللي مش مبسوط في حياته يطلق ومفيش حاجة اسمها عشان الأولاد والرجل اللي بيعمل كده بيكذب وبيضحك على نفسه وعلى اللي معاه، واللي مش مبسوط ينفصل، ويدخل في علاقة جديدة بعدها، لكن مع بعض غلط عشان أنت بتظلم الإتنين الأولى والتانية".

اقرأ أيضاً: مي عمر: لو محمد سامي اتحط في مقارنة مع أي مخرج أكيد هختاره