Elasimah AdPlace
Elasimah AdPlace
Elasimah AdPlace

أمير مرتضى: الأهلي قوي جدًا وسط منظومة رياضية ضعيفة بالتالي قادر ينجح لوحده

 كتب:  مؤمن نصر
 
أمير مرتضى: الأهلي قوي جدًا وسط منظومة رياضية ضعيفة بالتالي قادر ينجح لوحده
أمير مرتضى
Elasimah AdPlace
Elasimah AdPlace
Elasimah AdPlace
كشف أمير مرتضى، المشرف السابق على الكرة بنادي الزمالك، ما فعله المستشار تركي آل شيخ بالرياضة في مصر، قائلًا: "تركي آل شيخ ساعدنا واتعاملت معاه وهو ذكي جدًا وأنا بحترم ده والفكرة مش في الفلوس وراجل بيحب مصر جدًا، وكان بيحكي ذكرياته مع الأهلي، وعمل طفرة في السعودية ونقل الطفرة من الرياضة للترفيه، ورجل مناسب في مكان مناسب، وده مشروع دولة وهو بيمثله".
وقال أمير مرتضى، خلال استضافته ببرنامج "أسرار" مع الإعلامية أميرة بدر المذاع على قناة النهار: "احنا في مصر خسرنا المستشار تركي آل شيخ، وهو مسئول بيحب مصر زي السعودية، وعند افكار وامكانيات مادية كان لازم نستفيد منه، وهما عندهم نظام نفسي يبقى عندنا نظام زيه، ومن الناس اللي احب اتعامل معاهم، وبيحب بيراميدز، وقدر ينجحه، لو عندي فرصة اشتغل في حاجة معاه هعمل كده،مش زي ما بيحصل دلوقتي في اتحاد الكرة، ساعدنا حبا في مرتضى منصور، وهو مش محتاج يعمل كده، هو نفس شخصية مرتضى منصور لكن بتحديث جديد". 

أمير مرتضى يكشف سبب حسده لـ الأهلي

كما كشف أمير مرتضى، المشرف السابق على الكرة بنادي الزمالك، عن سبب حسده للنادي الأهلي، قائلًا: "حصل في مصر كام ثورة مأثرتش على النادي الأهلي، ولا يتأثر بـ كورونا ولا ازمة أوكرانيا ولا عقود رعاية، بحس ان فيه حاجة غلط في المعادلة، ومبيعملوش اعمال رغم اني مقتنع ان فيه حسد وأعمال، لما بنروح افريقيا بناخد معانا ماية وحاجتنا كلها، عشان مينفعش نلمس حاجة بسبب الأعمال، ويترمي علينا حيوانات ميتة بالدم عشان السحر، والناس كلها عارفة". 
 
وقال: "النادي الأهلي منظومة قوية جدًا وسط منظومة رياضية ضعيفة، بالتالي قادر ينجح لوحده، والأهلي أقوى من اتحاد الكرة وأقوى من الأندية كلها أقوى من رابطة الأندية ومن وزارة الرياضة، وناجح عشان السيستم غلط، ومش معناه أن لو النظام اتعدل هو هيفشل".
 
وأضاف أمير قائلًا: "بحب اتشاف بالشغل والحاجات اللي تبين اني شاطر وذكي، وانا خبيث و مستبيع، عندي القدرة اني اعرف معلومة عن لاعب ومقولوش سنة عشان استفاد منه وبعدها اقوله، وعندي شراهة في تجميع البطولات، كنت واخد ميدالية وحسيت ان عايز تاني لحد ما بقوا 8 ميداليات، عصبي ومش بتعصب بسرعة، وممكن أكسر المكان، والمستشار مرتضى منصور خسر بسبب غضبه، بسبب رد فعله في مشاكل معاه حق فيها بس اتعصب". 

اقرأ أيضاً: أمير مرتضى: أيمن عباس بيتجهز لـ رئاسة الزمالك.. وكنا هننزل درجة تانية في فترة رئاسة والده