إبراهيم سعيد يهاجم رضا عبدالعال: «تاريخه كله ماتش وربع»
كتب: محمود جودة
شن إبراهيم سعيد، لاعب الكرة السابق، هجوماً عنيفاً على رضا عبدالعال، نجم الزمالك والأهلي السابق، والمحلل الرياضي الحالي، وذلك بعد تصريحات رضا عبدالعال التي اعتبرها "سعيد" مسيئة.
تصريحات إبراهيم سعيد
وكان رضا عبدالعال قد صرح في أحد البرامج التلفزيونية بأنه هو ما قام بإدخل إبراهيم سعيد وتشغيله في مجال الإعلام، وأنه لا يفقه شيء و"مفلس" في فنيات كرة القدم.
ورد سعيد على هذه التصريحات في حواره مع الإعلامية بسمة وهبة في برنامج "العرافة" قائلاً: "مش برد على الأسلوب ده، خلينا نشوف الأهم، والله ما فاضي له، ده فاضي، وأنا مش فاضي للكلام ده خالص".
وأضاف إبراهيم سعيد: "مين ده أصلا عشان يشغلني؟! ده كان قاعد في البيت ولا بيعمل حاجة وأنا كنت شغال من ساعة ما بطلت، لو نجم فده على نفسه والأطفال الصغيرة اللي ميعرفهوش، هو قدامه سنين عشان يوصلي".
وتابع: "والله ولا أعرفه كنت بشوفه في الكوميكس، كان أخره يضحكني، ولما يتكلم اسمي كابتن إبراهيم سعيد، أنا اللي خليت الناس دي تاخد عليّ، ده تاريخه كله ماتش وربع، وكان أخره ربع ساعة وساعات 10 دقائق.. تاريخه كله ربع ساعة".
واستكمل: "رضا عبدالعال قدامه سنين كتير عشان يوصل للي أنا وصلتله، وفكرة مين أفضل تاريخيا بيني وبينه، ده كان آخره يلعب ربع ساعة، وعمره ما راح منتخب مصر".
وعن تغير تصريحاته من الإعلامي أحمد شوبير قال إبراهيم سعيد: "طبيعي اننا نتغير وآرائنا تتغير، هجومي على شوبير كان من 10 سنين، ودلوقتي الوضع اتغير، وده مش معناه إني بوشين ولا أكتر، بس المواقف بتتغير مع الوقت".
