إيناس الدغيدي: تحديت كل حاجة عشان زوجي حتى الدين وكان مسيحي وأسلم عشاني

عبرت المخرجة إيناس الدغيدي عن قصة حبها لزوجها رغم اختلاف ديانته قائلة: "اتجوزت اللي حبيته وقصة حب 9 سنين وتحديت كل حاجة حتى الدين وكان مسيحي وأسلم عشاني، ودخلت السينما، وكانوا رافضين عشان الديانة ووالدي كان استاذ تربية دينية ولغة عربية، مقابلش جوزي لأنه مات بعد زواجي بسنة، وقال مش هقابله عشان أغير دينه ومدخلش بيتنا غير فى جنازة ابويا، و معملتش فرح، عملته في بيتي، وكان عندي بيتي قبل ما اتجوز ومستقلة". 

وتابعت، خلال استضافتها ببرنامج "أسرار" مع الإعلامية أميرة بدر المذاع على قناة النهار: "أنا واحدة ربنا خلقها عكس الناس، ومش قاصدة لكن أنا من طفولتي كده، احنا 8 اخوات أنا عكسهم دايما وعلاقتي بيهم حلوة ووالدي توفى راضي عني، ولما بقيت مخرجة قال أنا اللي شجعتها، ووعدته أن التمثيل لا، وانا دخلت كل الفن بالصدفة، ولا كنت أعرف يعني إيه فن".

واختتمت حديثها قائلة: "وحبيت زوجي لحد النهاردة، وعلاقتنا مش بس جواز هي حياة وكان دايما ورايا أكون مخرجة، وانفصلنا قبل وفاته، ابتدى يغير مني لما كبرنا، وسيبنا بعض بشياكة، لأن الحياة لوحدك احلى بكتير، وكل واحد بيبقى له حياته". 

تفاصيل برنامج "أسرار"

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

اقرأ أيضًا: أمير المصري ينشر صور كواليس تصوير مسلسل «مليحة»