إيناس الدغيدي: رفضت الزواج من صديقي المثلي جنسيًا وهو رجل محترم وشغال في الخير
كتب: مؤمن نصر
كشفت المخرجة إيناس الدغيدي عن رفض زواجها من مثلي جنسيًا قائلة: "عرض زواجي من صديقي المثلي جنسيًا رفضته، هو كان صديق بره عايش في ايطاليا، وكان سنه كبير، وعارف إني عارفة، وكان عايزنى عشان ابقى رفيقة، لأن سننا مش بتاع شهوة، وضحكت لما عرض عليا، ويمكن يطبطب عليا وجنبه حد تاني من جنسه، ومكانش يعرف رد فعلي وحولت الموضوع هزار، كان رجل عربي، وصديقي ورجل محترم وبيعمل خير".
وتابعت، خلال استضافتها ببرنامج "أسرار" مع الإعلامية أميرة بدر المذاع على قناة النهار: "عمري ما حسدت حد، وبحب أشوف الفنجان، وكل شهور واحدة بتجيلي تقرالي الفنجان، لأني مقتنعة إني اللي بشوفه بحققه، وآخر مرة من اسبوع واحدة قالتلي هيجيلك موبيل هدية، قلت إيه الهبل ده، بعدها جالي تليفون هدية فعلًا، استغربت جدًا، وفيه حاجات كتيرة بتتحقق".
واختتمت حديثها قائلة: "ورأيي في ليلى عبد اللطيف هي صديقتي لكن شافتلي مرة ومتحققش، عندي شراهه للسفر، لما برجع من رحلة بفكر في اللي بعدها، وانا حاليا في آخر حياتي عايزة ألف العالم، يارب ابعتلى مليون دولار عشان ألف العالم، ونفسي اشتغل مع إلهام شاهين مسرح لأنها خريجة مسرح ولغتها كويسة".
اقرأ أيضاً: المخرجة إيناس الدغيدي: موسم الرياض فايدة كبيرة للسينما المصرية لكن كل الأعمال سطحية
