إيناس الدغيدي: «بحب واحد بس ميعرفش.. وبيعجبني فيه كل حاجة.. بس متجوز»

علَّقت المخرجة إيناس الدغيدي على علاقات الحب في حياتها، قائلة: "برجي برج الحوت بتاع الحب، لكن حبي دلوقتي مختلف، ممكن أحب حد مشوفهوش، في حد بحبه بس هو مش عارف، وشايفه إن ده الراجل اللي بتمناه، مش هقوله ولا أبين له، بحب شخصيته وقوته ومش شكلاً بحب الراجل اللي عنده باور فلوس وسلطة، ومش ممكن أقوله، وكبريائي بيخسرني، بشوفه بس ميعرفش أني معجبه بيه، وأوعدك لو علمتيني هعمل كده ومش معايا رقم تليفونه حتى".

وقالت المخرجة إيناس الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار: "بيعجبني كل حاجة فيه بس متجوز ومبجيش ناحية المتجوزين، وزوجي لما حبني كان متجوز، ولا يمكن أبقي زوجة ثانية، لكن ممكن أبقى حبيبة، تفرق كتير، لأن الحب أوقات لكن مش كل يوم في البيت، واللي بيني وبينه هيبقى الحكاية الحلوة مش الوحشة، وكفاية أشوفه مرتين في الأسبوع، لكن لو ساب وجه هتجوزه بس مش هقوله اعمل كده، مش هحب بدون ارادة، انما لو مخططة وراسمة ده مش حب". 

تفاصيل برنامج "أسرار"

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

اقرأ أيضا: حسام حبيب: أنا وشيرين مش علاقة توكسيك.. ولسه أصحاب