المخرجة إيناس الدغيدي: علاقتي بربنا كويسة والناس بتستهزأ بيها عشان جرأتي
كتب: مؤمن نصر
علَّقت المخرجة إيناس الدغيدي على علاقتها مع ربنا وتصريحاتها الدينية المثيرة للجدل قائلة: "عندي أفكار معينة عن ربنا، قلت قبل كده العلاقة بيني وبين ربنا اللي بتاخدها الناس باستهزاء، الناس واخدة جرأتي اني متكلمش عن ربنا عشان الحتة الدينية، وعلاقتي قوية جدًا بربنا، وكل يوم بشكر ربنا رغم أني مش متدينة وعندي جملة خدتها من علم الطاقة، أنا بدرس طاقة أونلاين والجملة هي، اللهم أني أحبك فاحببني فيك أكثر يا الله، الجملة دي ممكن أعيط فيها، بقولها طول مانا سايقة لوحدي لأني بحب أسوق، بحس أني في علاقة بيني وبين ربنا، عشان كل اللي بيتقال عليا".
وقالت المخرجة إيناس الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار: "مبسمعش شيوخ، ولو سمعت مبديلوش أي اهتمام، ووالدي طول حياتنا كان بيكلمنا في الدين، وكان رجل متفتح ومن طفولتي بتعلم دين، حجيت مرتين وبتاع 30 عمرة.
وتابعت: أول مرة رحت حسيت بحاجة غريبة لكن بعد كده بتبقى طقوس اكتر من إحساس، ومدعيتش عشان كنت بعيط، وطلبت الشهره والفلوس والمجد، وعمري ماندمت على أي حاجة صرحت بيها ومش ندمانة على أي فعل، بما فيهم الأفعال اللي مش كويسة في نظر الناس.
واستكملت: الخطأ والصواب بنتعلمه، ومش ندمانة على تصريح الحجاب، ووالدتي ماتت 80 سنة ومش محجبة ومش معناه أنها مش كويسة، والدين متدين جدًا وكنا نلبس ميني جيب، وأنا في الحج رحت بشعري وأول ما نزلت هناك اتحجبت و مكنتش طايقة، مبهتمش أشوف فرض ولا لاء المهم أنا عايزة ولا لاء، وعملت الخط بتاع الحجاب ده في فيلم امرأة واحدة لا تكفي".
اقرأ أيضاً: المخرجة إيناس الدغيدي: موسم الرياض فايدة كبيرة للسينما المصرية لكن كل الأعمال سطحية
