مجدي الجلاد: «جالي واحدة مزقوقة عليا.. وكان بيتحضرلي فضيحة أخلاقية»
كتب: مؤمن نصر
كشف الكاتب الصحفي مجدي الجلاد عن فخ كاد أن يقع فيه، لاصطياده ومن ثم فضحه قائلاً: "مرة واحدة كلمتني أيام المصري اليوم في 2009، من تليفون بإلحاح وقالتلي محتاجة مساعدة عندي مشكلة كبيرة جدًا وعايزة أقابلك وده دورك وحاجة لوجه الله، ومنذ اللحظة الأولى بدا الأمر إنه مش حاجة طبيعية، ولبسها غريب فستان قصير وتعاملها كمان غريب، وأنا شكيت، بس قلت يمكن ستايلها كده، بس فيه في الموضوع نقطة مش منطقية".
وتابع "الجلاد"، خلال استضافته ببرنامج "أسرار" مع الإعلامية أميرة بدر المذاع على قناة النهار: "قالتلي والدتها عايزة إني اتوسطلها عند محافظ الجيزة، قلتلها معنديش مشكلة أتواصل مع أي مسئول بس بقوله كلمة واحدة، لو الشخص ده له حق بالقانون ياخده، لو غير كده يبقى يشرب قهوة ويروح، بس فيه ثغرة مش فاهمها، فحاولت معايا أكتر، فقامت وقفت قالتلي أنا هستأذن، فقلتلها حليلي الثغرة وأنا هتكلم".
واختتم حديثه قائلا: "فرجعت تاني قالت ممكن أطلب طلب، تنسى خالص إنك شفتني، وتنسى الكلام اللي قلته النهاردة، وقالت أنت شكلك حد محترم وأنا كان حد زاققني عليك، ومسكت المصحف من على مكتبي وحلفت عليه إنها مش هتقدر تقول، وده أسلوب عشان يحضروا فضيحة واسلوب اصطياد، أما المرة الثانية مقدرش أقولها لأنها تتعلق باشخاص آخرين وترتبط بشخصية عامة".
اقرأ أيضاً: بعد غياب 5 سنوات.. مجدي الجلاد يعود ببرنامج على قناة SSC السعودية
