«عايزة أصلي».. مجدي الجلاد يكشف وصية والدته له وطلبها الأخير

كشف الكاتب الصحفي مجدي الجلاد عن آخر موقف جمعه بوالدته وانهار على الهواء، بمجرد الحديث عنها.

وقال الجلاد: "دفعت تمن كبريائي في كل حاجة، ومش قابل اتعامل بالطريقة دي، وأسرتي 4 صبيان و3 بنات، وأصعب موقف لما اختي الصغيرة كانت بتتجوز، واتعلمت حاجات كتير في حياتي مخلياني أقول للدنيا كلها طز، ولما أمي اللي هي كانت كل حاجة في حياتي، تقعد بعد ليلة فرح أختي، وتقول أنا خلاص اديت الامانة اللي عندي، آخر بنت اتجوزت".

وأضاف، خلال استضافته ببرنامج "أسرار" مع الإعلامية أميرة بدر المذاع على قناة النهار: "بعدها والدتي قالت ودوني المستشفى، ومكانش حد يعرف، ومش عايزة تقول عشان تجوز اختي، ووديناها لقينا عندها سرطان في المعدة ومخبيه وحالة متأخرة، وبعد 11 يوم توفت، آخر حاجة قالتها لي وهي نايمة على الأجهزة، عايزة اصلي".

وعن وصية والدته له، قال: "وصيتني قالتلي أنت الناس بتحبك وحافظ على حب الناس، يمكن ده جزء من أزمتي، والكلمة دي بترن في دماغي كتير، ومفتقد دلعها، هي كانت كل حاجة، وأقولك سر أنا كنت بنجح عشانها، كانت تقولي أنت هتبقي حاجة كبيرة أوي". 

تفاصيل برنامج أسرار

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

اقرأ أيضا: تصل لـ 8 آلاف وجبة يوميا.. تامر حسنى يشارك فى إعداد وتوزيع وجبات إفطار مجانية