سعاد صالح: الأعمال والسحر مش كفر لكنها معصية
كتب: نسرين إبراهيم
علقت الدكتورة سعاد صالح أستاذ الفقه المقارن بجامعة الأزهر على الشهوة في المناسبات الدينية وأعمال السحر، قائلة: "الأكل الكتير في المناسبات الدينية تعتبر شراهة وبستغرب الأسعار بتغلى ولما المناسبات بتيجي الفلوس بتظهر، وشهر رمضان لكسر حدة الشهوة، لأن الصوم وقاية من الوقوع في المحذورات، وربنا قال لعلكم تتقون ونمشي على أدنا ياريت، وفيه فرق بين صوم مبرور وصوم مقبول، اللي بيعمل كده صومه مقبول، أما اللي بيتحكم في الشهوات صومه مبرور، واجره عند الله أفضل".
وقالت صالح: "الأعمال والسحر موجودين لكن مش تخصصي، لأن تخصصي فقه أما ده يتعلق بالعقيدة، وفيه فنانين بتروح مخصوص تعمل سحر وشعوذة، وده مش كفر لكنه معصية مش لدرجة الكفر، وده يؤدي للوقوع في المعصية، وربنا نهى عنه".
وتابعت: "ويجب إن يكون فيه دور لعلماء الدين لمحاربة هذه الخرافات، لأنه يترتب عليها تأثيرات لا أخلاقية، يعني أي بنت لما تتاخر في الزواج وتيجي تروح لشيخ ويروح يخدرها وياخد شهوته منها، وده بيجيلي كتير حالات زي دي".
وجاء ذلك، خلال استضافتها ببرنامج "أسرار" مع الإعلامية أميرة بدر المذاع على قناة النهار.
تفاصيل برنامج "أسرار"
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
