نص تسريب «الشاطر» في «الاختيار 3».. عناصر القاعدة جاءت مصر وتخطط لتفجيرات محدودة
كتب: علي محمد
بدأت الحلقة العاشرة من مسلسل «الاختيار 3» بعنوان «الاستفتاء على الدستور».
وشملت الحلقة في نهايتها تسريبًا جديدًا لـ خيرت الشاطر، القيادي في جماعة الإخوان الإرهابية، قال فيه: «المجموعات الأساسية اللي كانت بتدعم حازم، عبارة عن مئات الألوف على مستوى الجمهورية في المحافظات، يعني في مطروح وكفر الشيخ في دمياط.. السلفية الشعبية بتتبنهاه، وجزء من سلفيين القنوات الفضائية، هم دول مش منظمين، يعني مش جسم يقدر يعمل شغل كبير، إنما فيه مجموعات خطر».
وتابع: «فيه مجموعة عبد المجيد الشاذلي بتاعة التوقف والتبين، أو مجموعات القطبيين والسلفية الجهادية دول خطر حقيقي، حتى لو قليلي العدد، لأنهم يتبنون العنف وهم عندهم نظرية موجودة وهي إنهم يقفزون على الحكم والسلطة وده تعديل في استراتيجياتهم السابقة، إنهم يكونوا إصلاحًا من فوق.. و«عبد المجيد» وجه نداء لبعض عناصر القاعدة والعنف بره مصر، إنهم ينزلوا مصر، ونزل حوالي 30 أو 40 في ظل الهيصة الموجودة في البلد.. وممكن يكون فيه تفكير في تفجيرات محدودة، وده لو توافق مع سكون عند الإخوان هيبقى كارثة».
وشمل التسريب تخوف الشاطر من لجوء تلك العناصر للعنف حتى لو على نظاق صغير، خاصة أن هذه العمليات سوف تتسبب في إزعاج للإخوان
يذكر أن مسلسل «الاختيار 3» تأليف هانى سرحان، وإخراج بيتر ميمى، إنتاج شركة سينرجي بطولة أحمد السقا وكريم عبد العزيز وأحمد عز وياسر جلال، وخالد الصاوى، صبرى فواز، جمال سليمان، محمد رياض، إيمان العاصى، هيدى كرم، سمر مرسى، نور محمود، خالد زكى، منى عبد الغنى، مفيد عاشور، نادية رشاد، أمير المصرى، محمود البزاوى
