عايدة رياض: محرم فؤاد ضربني «علقة» بسبب مكالمة تليفون

أوضحت الفنانة عايدة رياض، بعض الأسرار في حياتها الزوجية وعلاقتها بالفنان الراحل محرم فؤاد، كاشفة أنها تعرضت للضرب ذات مرة على يد زوجها المطرب الراحل محرم فؤاد، بسبب مكالمة هاتفية من صديق حبيبها السابق.

وقالت "عايدة": محرم فؤاد كان صعيدي ومصري أصيل وكان بيحبني جدا وكان جميل بصراحة، وكنت بحب قبله شخص وكان ممكن نتجوز بس محصلش نصيب وبعد كدة الأمور اتغيرت واتجوزت محرم فؤاد".

تابعت: "ضربني قبل كدة بس كان له حقه بردو من الكلام اللي سمعه".

واستطردت: "كنت مع محرم في لندن، وفيه شخص ساكن قدامنا خبط عليا وقالي في تليفون عشانك، اكتشفت بعدها أنه من صديق خطيبي السابق عشان يعاتبني على جوازي من بعده، واتوترت جدا وقتها من رد فعل محرم لأني عارفة عصبيته الزايدة، وقولت لصاحب خطيبي السابق أنا متضايقة وأول لما أنزل هتطلق".

وأردفت: "سمعني وأنا بتكلم ونزل عليا ضرب ومكنتش عارفة أصد ضربه لولا الراجل ومراته اللي كانوا ساكنين قصادنا كان زماني مت".

واختتمت "عايدة" بقولها: "وكل شوية كان يأخر قعدته في لندن عشان أنسى العلقة دي عشان كان عارف لو نزلنا كنت هطلب الطلاق، لأني وشي كان ملطش وخالد الأمير وبليغ حمدي قالوا وقتها دي لو نزلت مصر بالشكل ده كانت ممكن تبلغ عنك وتتسجن"، وجاء ذلك خلال استضافتها مع الإعلامية راغدة شلهوب، في برنامج "سابع سما" المذاع عبر قناة النهار وان.