هالة صدقي: تعرضت لصدمات وسرقات وتجارب سيئة الفترة الماضية

كشفت الفنانة هالة صدقي عن سبب اختفائها عن جمهورها خلال الفترة الماضية، موضحة أنها مرت بالعديد من الصدمات مما جعلها تغيب عن الجمهور لفترة.

وقالت هالة صدقي، في فيديو جديد احتفالا بعيد ميلادها: "عدت سنة، سنة كان نصها الأولاني حلو أوي كله نجاحات وجوايز وكله حب وحاجات حلوة، النص التاني من واحد يناير صدمات وسرقات وحاجات كتير مش عايزة أضايقكم بيها ولكن اكتشافات لناس واتصدمت في ناس وتجارب".

وتابعت: "عشان كده كنت مختفية عشان بحب أظهر وأنا كويسة عشان أديكم طاقة إيجابية أنا مكنش عندي أي طاقة إيجابية ادعولي إن السنة دي تعدي وتبقى كويسة، الستر والصحة والرضا فقط، بشكر كل اللي بعتلي بالونات وورد وجاتوهات وحاجات كتير لطيفة جدا بجد حبكم دا اللي بيقويني هو أنبوبة الأكسجين بتاعتي بشكركم جدا جدا".